ទំព័រហេ្វសប៊ុកផ្លូវការរបស់អាជ្ញាធរជាតិអប្សរា ត្រូវបានបើកឱ្យដំណើរការឡើងវិញ

នៅថ្ងៃទី២៨ ខែកុម្ភៈ ឆ្នាំ២០១៧នេះ អាជ្ញាធរជាតិអប្សរា បានបញ្ជាក់ថា ទំព័រហេ្វសប៊ុកផ្លូវការរបស់អាជ្ញាធរជាតិអប្សរា ត្រូវបានបើកឱ្យដំណើរការឡើងវិញចាប់ពីថ្ងៃទី២៨ ខែកុម្ភៈ នេះតទៅ។ នេះបើយោងតាមសេចក្តីជូនដំណឹងរបស់អាជ្ញាធរជាតិអប្សរាចុះថ្ងៃទី២៨ ខែកុម្ភ ឆ្នាំ២០១៧។

សេចក្តីជូនដំណឹងនោះ បានបញ្ជាក់ថា កាលពីព្រឹកថ្ងៃទី១៨ ខែកុម្ភៈ ឆ្នាំ២០១៧កន្លងទៅ ក្រុមអនាមិកបានលួចចូលគ្រប់គ្រងទំព័រហ្វេសប៊ុកផ្លូវការ និងគណនីហេ្វសប៊ុកពាក់ព័ន្ធមួយចំនួនរបស់អាជ្ញាធរជាតិអប្សរា បណ្ដាលឱ្យការផ្សព្វផ្សាយពីសកម្មភាពនានារបស់អាជ្ញាធរជាតិអប្សរាតាមរយៈទំព័រហ្វេសប៊ុកផ្លូវការនេះត្រូវបានខកខានមួយរយៈ។

សូមអានសេចក្តីជូនដំណឹងរបស់អាជ្ញាធរជាតិអប្សរាដូចខាងក្រោម៖

អ្នកនាំពាក្យគណបក្សប្រជាជនកម្ពុជា លើកឡើងថា គណបក្សប្រឆាំងបង្ករឿងទៀតហើយ!

នៅថ្ងៃទី២៨ ខែកុម្ភៈ ឆ្នាំ២០១៧នេះ លោក សុខ ឥសាន អ្នកនាំពាក្យគណបក្សប្រជាជនកម្ពុជា បានបញ្ជាក់អំពីទង្វើអសីលធម៌ វាយប្រហារមកលើគណបក្សប្រជាជន​កម្ពុជាពីសំណាក់​គណ​បក្សប្រឆាំងនៅទីក្រុងលីយ៉ុង ប្រទេសបារាំង។ លោក សុខ ឥសាន បានបញ្ជាក់ដោយមាន​ខ្លឹម​សារដូចខាងក្រោម៖

ប៉ុន្មានថ្ងៃកន្លងទៅនេះ គណបក្សប្រឆាំងនៅទីក្រុង លីយ៉ុង ប្រទេសបារាំង បានបើកការវាយប្រហារយ៉ាងធ្ងន់ធ្ងរមកលើគណបក្សប្រជាជនកម្ពុជា និងរាជរដ្ឋាភិបាលកម្ពុជា ដែលមាន លោក ទួត ឃឿត តំណាងរាស្ត្រក្នុងតំណែង ជាប្រធានគណៈអធិបតី នៅក្នុងអង្គមីទ្ទិញ ដែលមានឈ្មោះលី ពឿង ជាអ្នកអានសុន្ទរកថា។ ការជេរប្រមាថបែបអសុរស និងធ្ងន់ធ្ងរមកលើគណបក្សប្រជាជនកម្ពុជា និងរាជរដ្ឋាភិបាលកម្ពុជាបែបនេះ គឺជាភស្តុតាងយ៉ាងប្រត្យក្សថា តំណាងរាស្ត្រ ទួត ឃឿត កំពុងធ្វើសកម្មភាពឱ្យបែកបាក់ជាតិ  ប្រព្រឹត្តល្មើសច្បាប់និងសីលធម៌នយោបាយ ដែលត្រូវទទួលខុសត្រូវចំពោះទង្វើខុសឆ្គងនេះ។

គណបក្សប្រជាជនកម្ពុជា នឹងពិនិត្យលទ្ធភាពផ្លូវច្បាប់ ដើម្បីចាប់បង្ខំឱ្យអ្នកប្រព្រឹត្តល្មើសទទួល​ខុសត្រូវ និងស្នើបញ្ឈប់ធ្វើសកម្មភាពបង្ករឿង ហើយដល់មានរឿងកុំបន្ទោសអ្នកដទៃឱ្យសោះ៕

ព្រឹទ្ធសភា បើកកិច្ចប្រជុំវិសាមញ្ញ​ពិនិត្យលើ សេច​ក្តី​ស្នើវិសោធនកម្មច្បាប់ ស្តីពី​គណបក្ស​នយោបាយ

ភ្នំពេញ៖ នៅវេលាម៉ោង៨៖០០ព្រឹកថ្ងៃទី២៨ ខែកុម្ភៈ ឆ្នាំ២០១៧នេះ ព្រឹទ្ធសភាបានចាប់ ផ្តើមបើកកិច្ច ប្រជុំវិសាមញ ដើម្បីពិនិត្យ និងឱ្យយោបល់ លើសេចក្តីស្នើច្បាប់ វិសោធនកម្មច្បាប់ស្តីពីគណបក្សនយោបាយ។

សូមបញ្ជាក់ថា សេចក្តីស្នើវិសោធនកម្មច្បាប់ស្តីពីគណបក្សនយោបាយ ដែលស្នើដោយតំណាងរាស្រ្ត៦០រូប ត្រូវបានរដ្ឋសភា អនុម័ត​ទាំងស្រុង ដោយសំឡេងសមាជិករដ្ឋសភា៦៦រូប នៅព្រឹកថ្ងៃទី២០ ខែកុម្ភៈ ឆ្នាំ២០១៧ បន្ទាប់ពីបើកកិច្ចប្រជុំ​វិសាមញ្ញ​អស់រយៈពេលជិត ២ម៉ោង។

ការរៀបចំសំណើសុំធ្វើវិសោធនកម្មច្បាប់នេះ បានធ្វើបន្ទាប់ពីមានការលើកឡើង ដោយលោក ហ៊ុន សែន នាយករដ្ឋមន្រ្តីនៃកម្ពុជា នៅក្នុងកិច្ចប្រជុំសភាវិសាមញ្ញ កាលពីថ្ងៃទី៣១ ខែមករា ឆ្នាំ២០១៧។

មាត្រា១៨ថ្មី នៃសេចក្តីស្នើវិសោធនកម្មច្បាប់នេះ បានកំណត់ដោយសង្កត់ធ្ងន់ថា៖ ប្រធាននិងអនុប្រធាន និងសមាសភាព​នៃគណៈកម្មាធិការនាយក ឬគណៈកម្មាធិការអចិន្រ្តៃយ៍ ឬអង្គការសមមូលនិងគណៈកម្មការទាំងពីរនេះ មិនត្រូវជា​បុគ្គល​ដែលជាទណ្ឌិតជាប់ទោសដាក់ពន្ធនាគារពីបទឧក្រិដ្ឋ ឬបទមជ្ឈឹម ដោយគ្មានការព្យួរទោសឡើយ៕

លិខិត​មិត្តអ្នក​អាន៖ ភ្លើង​ក្នុងប​ន្ទាយ​កំពុង​ឆេះងំ​

ភ្នំពេញ៖ ធ្វើល្អបានល្អធ្វើអាក្រក់បានអាក្រក់! ភូតច្រើន ចាញ់អាត្មា! ពិតដូចជាទេវតាចារគូថមែន! ទោះបីជាខំប្រឹងកែខៃវាសនារបស់ខ្លួនយ៉ាងណា ក៏ពុំបានល្អ ក៏ព្រោះតែព្រហ្មលិខិតបានកំណត់រួចហើយ។ បុរសពីរនាក់រកស៊ីខាងនយោបាយដោយដាក់បក្សចូលគ្នា ទីបំផុតឈ្មួញនយោបាយមួយ ដែលបានដាក់ទុន៣កៅអី បានរកស៊ីចំណេញកប់ក្តោង ឡើងធ្វើប្រធាន ក្តោបក្តាប់ក្រុមហ៊ុននយោបាយមួយនេះ ដោយងាយៗដោយសារជាមនុស្ស សំណាងគ្រាន់បើ ព្រោះគាត់រកស៊ីប៉ះចំដៃគូដែលជាឈ្មួញនយោបាយល្ងង់ចាស់វស្សា និងមានរាសីអន់ ដោយកើតចំថ្ងៃខែដែលតាមជើងលេខ គឺស៊យមួយជីវិត។ ពាក្យដំណាលតគ្នាថា យីអ៊ុនក៏ដាក់ អារក្ខក៏ជាន់។ មនុស្សដែលមានរាសីបែបនេះ គឺស៊យណាស់ ស៊យដល់អ្នកនៅជាមួយទៀតផង ហើយបើមិនស្រួលនាំគ្រោះធំឱ្យគេទៀត។
ទីបំផុត ដោយសារភាពឆោតខាងយុទ្ធសាស្រ្តនយោបាយ លោក សម រង្ស៊ី ដែលល្បីល្បាញជាអ្នកនយោបាយចាញ់ចាស់វស្សាបានជួបគ្រោះធំ ដែលអាចបញ្ចប់ជីវិតនយោបាយរបស់ខ្លួន និងនាំស៊យដល់ក្រុមរបស់គាត់ ហើយនាំភាពច្របូកច្របល់ដល់បន្ទាយព្រះអាទិត្យទៀតផង។
វីរៈបុរសខុសរបៀបមួយនេះ ក្រោយពេលលាលែងពីប្រធានបក្សដោយឆោតល្ងង់ ឬដោយសារចាញ់បោកគេរួចមក បានធ្វើឱ្យភ្លើងក្នុងបន្ទាយព្រះអាទិត្យ ចាប់ផ្តើមឆេះយ៉ាងសន្ធោរសន្ធៅ ធ្វើឱ្យមេទ័ព និងកូនទាហានក្នុងបន្ទាយភ័យស្លន់ស្លោ ច្របូកច្របល់ បាត់ម្ចាស់ការ និងបាត់ទិសដៅមិនដឹងថាទៅណាមកណា។
ឥឡូវមេទ័ពធំរង ដែលមានមហិច្ឆតាចង់ក្តោបក្តាប់បន្ទាយនេះយូរមកហើយនោះ បានកំពុងបង្ហាញតួ ដើម្បីពន្លត់ភ្លើងក្នុងបន្ទាយដោយខំរកយុទ្ធសាស្ត្រ យ៉ាងណា ដើម្បីម្យ៉ាងឡើងធ្វើមេទ័ពធំពេញសិទ្ធិពេញអំណាច នៅថ្ងៃទី០២ ខែមីនា និងម្យ៉ាងទៀត ដើម្បីកុំឱ្យមេទ័ព និងកូនទាហានបះបោរផ្ទុះការតវ៉ាកាន់តែខ្លាំងពិសេសថ្នាក់ក្រោម ព្រោះប៉ុន្មានថ្ងៃមកនេះ ទាហានថ្នាក់ក្រោមតាមតំបន់មួយចំនួន បានចាប់ផ្តើមទម្លាក់ស្លាកព្រះអាទិត្យ ដែលកំពុងលិចនេះជាបណ្តើរៗដោយសារតែអស់ជំនឿលើមេទ័ពធំមុន និងមិនសូវជឿមេទ័ពធំថ្មី។
ការតវ៉ាទម្លាក់ស្លាកបក្សនេះត្រូវបានទេវតាប្រមើលមើលថា នៅមានច្រើនទៀតក្រោយរៀបចំមេដឹកនាំបន្ទាយថ្មី ព្រោះផ្ទៃក្នុងបក្សកាន់តែរង្គោះរង្គើខ្លាំង។ ក្រុមស្មោះស្ម័គ្រនឹងមេទ័ពធំមុន និងក្រុមដែលស្មោះនឹងមេទ័ពធំរង កំពុងតែញេញធ្មេញដាក់គ្នា ហើយខ្លះមិនដឹងជាត្រូវដើរតាមអ្នកណា បើមេចាស់ខ្លួន អស់ឥទ្ធិពល រីឯមេថ្មីមិនមែនជារបស់ខ្លួន។ ទេវតាកំណត់រួចទៅហើយ យីអ៊ុនក៏ដាក់អារក្ខក៏ជាន់ ទោះបីលក្ខន្តិកៈបក្សក៏មិនអាចទប់ទល់នឹងច្បាប់ស្តីពី គណបក្សនយោបាយ ដូច្នេះធ្វើយ៉ាងណារក្សាបន្ទាយសិន ហើយអ្នកដែលទេវតាប្រទានពរ គឺជាមនុស្សមានសំណាង និងរកស៊ីមួយជើងនេះបានចំណេញ ច្រើនណាស់។
ក្រុមដែលដាក់ទុន៣កៅអីឈ្នះបាន៥៥កៅអីរួមនឹងបក្សទាំងមូល រីឯមេទ័ពធំដែលមានរាសីដូចទៀនជិតរលត់ នឹងត្រូវបញ្ចប់ជីវិតនយោបាយរបស់ខ្លួនដោយគ្មានន័យ និងស្ពាយទោសជាប់ខ្លួនរហូត នៅថ្ងៃទី០២ ខែមីនាខាងមុខនេះ ពិបាកនឹងស្រោចស្រង់ខ្លួនឯង និងក្រុមខ្លួនឯងណាស់ព្រោះគ្មានសិទ្ធិចាត់ចែងបន្ទាយដូចមុនទេ។
ទោះចង់នាំ សម រង្ស៊ី មកវិញក៏មិនបាន ចង់ដកកឹម សុខា ពីមេបក្សក៏មិនរួច។ ដើរជំហាននយោបាយមរណៈម្តងហើយម្តងទៀត! យើងរង់ចាំមើលថ្ងៃទី ០២ ខែមីនាខាងមុខនេះទាំងអស់គ្នា ថាតើភ្លើងដែលកំពុងឆេះក្នុងបន្ទាយនេះ គឺជាភ្លើងមរណៈរបស់មេទ័ពធំ ឬភ្លើងនឹងបន្តឆេះបំផ្លាញបន្ទាយ រហូតដល់កំទេចបន្ទាយតែម្តង? តើជាថ្ងៃអន្សារបស់លោកមេទ័ពធំ ឬជាថ្ងៃអន្សារបស់បន្ទាយព្រះអាទិត្យដែលជិតអស្តង្គត!?
ដោយ៖ អ្នកប្រយុទ្ធ

លោកនាយករដ្ឋមន្រី្ត ហ៊ុន សែន អញ្ជើញជួបនាយកធនាគារជប៉ុន MIZUHO ប្រចាំតំបន់អាស៊ី និង​អូសេអានី នៅវិមានសន្តិភាព

លោក ហ៊ុន សែន នាយករដ្ឋមន្ត្រីបានអនុញ្ញាតអោយលោក Imai Seiji នាយកប្រតិបត្តិនៃធនាគារ MIZUHO ប្រចាំតំបន់អាស៊ី និងអូសេអានីចូលជួបសំដែងការគួរសម និងពិភាក្សាការងារនារសៀលថ្ងៃទី ២៧ ខែកុម្ភៈឆ្នាំ ២០១៧ នៅវិមានសន្តិភាព ។

លោក អ៊ាង សុផល្លែត ជំនួយការផ្ទាល់លោកនាយករដ្ឋមន្ត្រីបានប្រាប់អ្នកសារព័ត៌នៅក្រោយជំនួបថា លោក Imai Seiji អរគុណ លោកនាយករដ្ឋមន្ត្រី ហ៊ុន សែន​ ដែលបានផ្តល់ពេលវេលា និងកិត្តិយស​អោយ​ក្រុមការងារ​លោកបានចូលជួបពិភាក្សាការងារវិនិយោគ។ ទន្ទឹមនឹងនេះ លោកនាយក​បានកោត​សរសើរ លោកនាយករដ្ឋមន្ត្រី ដែលបាន​ខិតខំដឹកនាំប្រទេសកម្ពុជារ​ហូតមានការរីកចម្រើន​មកទល់​សព្វ​ថ្ងៃ។ ធនាគារ MIZUHO គឺជាធនាគារខ្នាតធំជប៉ុនលើកទី១ មកកាន់កម្ពុជាដែលមានសាខា​នៅក្នុង​ប្រទេស​​ចំនួន៣០។ តាមរយៈធនាគារនេះ គឺនឹងសម្រួលដល់ការ​ផ្តល់សេវា​ហិរញ្ញវត្ថុ​ទៅដល់អ្នក​វិនិយោគ​ទាំង​ជនជាតិជប៉ុន កម្ពុជា និងអ្នកវិនិយោគដទៃ​ទៀតដែលមក​បណ្តាក់ទុននៅ​ក្នុងប្រទេស​យើង​ឱ្យកាន់តែងាយស្រួលឡើងថែមទៀត។

ទន្ទឹមនឹងនេះ វត្តមានធនាគារ MIZUHO នឹងនាំមក​នូវអ្នក​វិនិយោគ​ជប៉ុនជាច្រើនមកកម្ពុជានៅពេល​អនាគតខាងមុខនេះ។ លោកនាយកក៏បានថ្លែងអំណរគុណ លោកនាយករដ្ឋមន្រី្ត ហ៊ុន សែន  ធនាគារ​ជាតិ​កម្ពុជា និងក្រុមប្រឹក្សាអភិវឌ្ឍន៍កម្ពុជាដែលបានគាំទ្រ និងជំរុញដល់ការ​វិនិយោគ​របស់ធនាគារ​លោក​នៅកម្ពុជា។

លោកនាយករដ្ឋមន្រី្ត ហ៊ុន សែន ក៏បានថ្លែងអំណរគុណចំពោះរដ្ឋាភិបាល និងប្រជាជន​ជប៉ុន​ដែលជួយកម្ពុជាកន្លងមក រួមទាំងការនាំមកនូវសុខសន្តិភាព ការកៀរគរជំនួយ និងការ​ផ្តល់​នូវថវិកា​ជំនួយឥតសំណងចូលរួមស្តារ កសាង និងអភិវឌ្ឍន៍ប្រទេស ហើយក្នុងពេលនេះទៀតសោត គឺកំពុង​តែជួយ​ទាក់ទាញ និងជំរុញអ្នកវិនិយោគជប៉ុនមកកាន់កម្ពុជាកាន់តែច្រើនឡើងថែមទៀតផង។

លោកនាយករដ្ឋមន្រី្ត បានបញ្ជាក់ផងដែរថា ឆ្នាំ២០១៦ កន្លងទៅនេះ គឺមានក្រុមហ៊ុន​អាកាស​ចរណ៍ជប៉ុនខ្នាតធំ Anna Air ដែលបានមកវិនិយោគនៅកម្ពុជា ហើយនៅឆ្នាំ ២០១៧ នេះ គឺមានធនាគារ​​ខ្នាតធំជប៉ុន MIZOHO មកកម្ពុជាទៀត។

ទាំងនេះ បញ្ជាក់ប្រាប់ដល់អ្នកវិនិយោគជប៉ុនអោយមានភាពកក់ក្តៅ និងជំនឿទុកចិត្តក្នុង​ការវិនិយោគ​នៅកម្ពុជា។

លោកនាយករដ្ឋមន្រី្ត ហ៊ុន សែន បានជូនពរឱ្យធនាគារ MIZUHO ទទួលបានជោគជ័យ​ក្នុងការ​បណ្តាក់ទុននៅកម្ពុជា នឹងសង្ឃឹមយ៉ាងមុតមាំថា ធនាគារនឹងបន្តជួយផ្សព្វផ្សាយ ទាក់ទាញអ្នកវិនិយោគ​ទុនជប៉ុន​កាន់​តែច្រើនថែមទៀតមកបណ្តាក់ទុនធ្វើអាជីវកម្ម និងវិនិយោគនៅក្នុងប្រទេសកម្ពុជា៕

គណបក្សប្រជាជនកម្ពុជា ចេញសេចក្តីថ្លែងការណ៍ ថ្កោលទោសយ៉ាងខ្លាំង ប្រធានសាខាគណបក្សសង្រ្គោះជាតិខេត្តលីយ៉ុង ប្រទេសបារាំង ដែលចោទប្រកាន់ដ៏ខ្មៅងងឹងលើរាជរដ្ឋាភិបាល

(ភ្នំពេញ)៖ អ្នកនាំពាក្យគណបក្សប្រជាជនកម្ពុជា នៅថ្ងៃទី២៧ ខែកុម្ភៈ ឆ្នាំ២០១៧នេះ បានចេញសេចក្តីថ្លែងការណ៍មួយ ដោយ​ថ្កោលទោសយ៉ាងខ្លាំងចំពោះ ប្រធានគណបក្សសង្រ្គោះជាតិខេត្តលីយ៉ុង ប្រទេសបារាំង លោក លី ពឿង ដែលបានជេរ​ប្រមាថជាសាធារណៈ បែបវិកលចរិត ចោទប្រកាន់ដ៏ខ្មៅងងឹតចំពោះ រាជរដ្ឋាភិបាល ដែលដឹកនាំដោយ​គណបកុ្សប្រជាជនកម្ពុជា។

គណបក្សប្រជាជនកម្ពុជា បានចាត់ទុកថា ការចោទប្រកាន់ដ៏ខ្មៅងងឹតនេះ ធ្វើឱ្យប៉ះពាល់ដល់គណបក្សប្រជាជនកម្ពុជា និង​សេច​ក្តីថ្លៃថ្នូរបស់ក្រុមគ្រួសារ សម្តៅញុះញង់ឱ្យមានការរើសអើង ស្ពប់ខ្ពើមរវាងខ្មែរនិងខ្មែរ បង្កឱ្យមានភាពវឹកវរ​ធ្ងន់ធ្ងរ​ដល់សន្តិសុខសង្គម និងបង្កភាពបែកបាក់សង្គម ដែលគំរាមកំហែងដល់សន្តិភាពនៅកម្ពុជា។

សេចក្តីថ្លែងការណ៍របស់គណបក្សប្រជាជនកម្ពុជា បានធ្វើឡើងបន្ទាប់ពី លោក លី ពឿង បានធ្វើការអំពាវនាវ នៅទីខេត្ត​លីយ៉ុង ប្រទេសបារាំង ដោយបានប្រើប្រាស់ពាក្យអសុរសគ្រប់ម៉ាត់ និងគ្មានមូលដ្ឋានដូចជាការប្រើពាក្យ របបតិរច្ឆាន សត្វតិរិច្ឆាន ជនពាល ល្ងង់ខ្លៅ អាយ៉ងវៀតណាម បំផ្លិចបំផ្លាញជាតិ សម្លាប់ប្រជាជនខ្មែរសាហាវជាងរបបខ្មែរក្រហម លួចសន្លឹកឆ្នោត ប្លន់ប្រជាជន សំឡុតបាញ់ប្រហារ និងភ្នែកខ្វាក់មួយចំហៀងជាដើម។

សូមអានសេចក្តីថ្លែងការណ៍របស់ គណបក្សប្រជាជនកម្ពុជា ខាងក្រោមនេះ៖

« គ្រឹះស្ថាន​​មីក្រូ​​ហិរញ្ញ​វត្ថុ​​ទាំង​អស់​​នៅ​​កម្ពុជា គឺ​ជា​​​របស់​​ឯកជន មិន​មែន​​ជា​​របស់​រដ្ឋទេ »

ប្រសាសន៍​​ សម្តេច​​តេជោ ហ៊ុន សែន ថ្លែង​​ជូន​​សាធា​រណ​​ជន​​បាន​​ជ្រាប​​ថា « គ្រឹះស្ថាន​​មីក្រូ​​ហិរញ្ញ​វត្ថុ​​ទាំង​អស់​​នៅ​​កម្ពុជា គឺ​ជា​​​របស់​​ឯកជន មិន​មែន​​ជា​​របស់​រដ្ឋទេ » សូម​បង​​ប្អូន​​ប្រជា​ពល​​រដ្ឋ​​កុំយល់​ច្រឡំ…

ប្រសាសន៍​​ សម្តេច​​តេជោ ហ៊ុន សែន ថ្លែង​​ជូន​​សាធា​រណ​​ជន​​បាន​​ជ្រាប​​ថា « គ្រឹះស្ថាន​​មីក្រូ​​ហិរញ្ញ​វត្ថុ​​ទាំង​អស់​​នៅ​​កម្ពុជា គឺ​ជា​​​របស់​​ឯកជន មិន​មែន​​ជា​​របស់​រដ្ឋទេ » សូម​បង​​ប្អូន​​ប្រជា​ពល​​រដ្ឋ​​កុំយល់​ច្រឡំ…