កញ្ញា ធី សុវណ្ណថា​ អតីតសកម្មជនគណបក្ស​ប្រឆាំងបានទម្លាយប្រាប់​ពីអាថ៌កំបាំងដែលលោកបណ្ឌិត​ កែម ឡី ធ្លាប់ប្រាប់​កញ្ញាកុំឲ្យចូល​បក្សប្រឆាំង

អតីតសកម្មជនដ៏ខ្លាំងក្លាមួយរូបរបស់គណបក្សប្រឆាំងកញ្ញា ធី សុវណ្ណថា បានទម្លាយប្រាប់ឲ្យដឹងនាព្រឹកថ្ងៃទី១២   ខែកក្កដា    ឆ្នាំ២០១៦នេះថា     លោកបណ្ឌិត កែម ឡី ធ្លាប់ផ្តាំនាងថា កុំឲ្យកញ្ញាចូលជាមួយបក្ស CNRP គាត់ក៏មិនចូលជាមួយបក្ស CNRP ដែរ។

​កញ្ញា ធី សុវណ្ណថា ក៏បានរៀបរាប់ឲ្យដឹងដូច្នេះទៀតថា កញ្ញាមានការអាណិតអាសូរសពបណ្ឌិត កែម ឡី ណាស់ កាលគាត់នៅរស់ គាត់នឹងកញ្ញាតែងដើរជាមួយគ្នា ទាំងមេបក្ស CNRP និងសកម្មជនរិះគន់ជេរគាត់យ៉ាងខ្លាំងរឿងបើកបក្សថ្មី តែពេលគាត់ស្លាប់ ក្រុម CNRP ដែលរិះគន់ ជេរគាត់បែរជាមកតាំងខ្លួនជាអ្នកស្រលាញ់ គោរពគាត់ និងលើកគ្នា មកកាងសពគាត់ រារាំងដេញកញ្ញាមិនឲ្យគោរពសពលោក កែម ឡី កាលពីម្សិលមិញនេះ។

អតីតសកម្មជនបក្សប្រឆាំងកញ្ញា ធី សុវណ្ណថា ដែលពោរពេញដោយភាពឈឺចាប់រូបនោះបានបញ្ជាក់បានឲ្យដឹងទៀតថា ទោះជាកញ្ញាដឹងថា មានឧបសគ្គនិងមានការវាយប្រហារមកលើរូបកញ្ញាក្តី តែកញ្ញាត្រូវតែទៅដុតធូបលាលោកពូ កែម ឡី ជាលើកចុងក្រោយ។

កញ្ញា ធី សុវណ្ណថា ក៏បានទម្លាយអាថ៌កំបាំងប្រាប់ថា កាលពីបណ្ឌិត កែម ឡី នៅរស់គាត់ល្អជាមួយកញ្ញា តែងដើរជាមួយគ្នា ហើយបានធ្លាប់ផ្តាំ កុំឲ្យកញ្ញាចូលជាមួយបក្សសង្រ្គោះជាតិ ហើយគាត់ក៏មិនចូលជាមួយបក្សសង្គ្រោះជាតិដែរ។

សូមបញ្ជាក់ផងដែរថា កាលពីម្សិលមិញកញ្ញា ធី សុវណ្ណថា និង លោក ស្រី ចំរើន ត្រូវបានបងប្អូនប្រជាពលរដ្ឋនៅកន្លែងបុណ្យសពលោកបណ្ឌិត កែម ឡី នាំគ្នាដេញអ្នកទាំងពីរចេញពីកន្លែងបុណ្យសព ដោយកញ្ញា រិះគន់បក្សប្រឆាំង៕

ឯកឧត្តមឧបនាយករដ្ឋមន្រ្តី កែ គឹមយ៉ាន ណែនាំ១០ចំណុច ដល់គណៈកម្មាធិការត្រួតពិនិត្យ គ្រឿងញៀន ខេត្តបាត់ដំបង

នាយឧត្តមសេនីយ៍ កែ គឹមយ៉ាន ឧបនាយករដ្ឋមន្រ្តី និង ជាប្រធានអាជ្ញាធរជាតិ​ប្រយុទ្ធ​ប្រឆាំង​គ្រឿងញៀន បានណែនាំ ១០ចំណុច ដល់គណៈកម្មាធិការត្រួតពិនិត្យ គ្រឿងញៀន​ខេត្ត​បាត់​ដំបង។ ចំណុចទាំង ១០នោះ រួមមាន៖

១.សូមយកចិត្តទុកដាក់ពង្រឹង ការអនុវត្តបទបញ្ជាលេខ០១ របស់រាជរដ្ឋាភិបាល

២.ត្រូវបន្តជំរុញ លើកទឹកចិត្តដល់ប្រព័ន្ធផ្សព្វផ្សាយ វិទ្យុ ទូរទស្សន៍ ទូរទស្សន៍ខ្សែកាប សិល្ប​ករ ការនី ពិធីករ ពិធីការនី រោងចក្រ សហគ្រាស ក្រុមហ៊ុន ម្ចាស់គ្រឹះស្ថានអប់រំ ម្ចាស់ផ្ទះ​សំណាក់​ម្ចាស់សេវាកំសាន្ត។ល។ ចូលរួម ពង្រឹងផ្សព្វផ្សាយពីបញ្ហាគ្រឿង​ញៀនឱ្យបានទូលំ​ទូ​លាយ​បន្ថែមទៀត។

៣.ត្រូវបន្តយកចិត្តទុកដាក់ទទួលខុសត្រូវ ប្រកបដោយ ប្រសិទ្ធភាព​ចំពោះ​ការផ្តល់​សេវា​ព្យា​បាល ស្តារនីតិសម្បទាអ្នកញៀនគ្រឿងញៀន។

៤.គណៈកម្មាធិការត្រួតពិនិត្យ គ្រឿងញៀនខេត្ត បាត់ដំបង ត្រូវធ្វើការពង្រឹងសមត្ថភាព​ការិ​យា​ល័យទំនាក់ទំនងព្រំដែន(BLO) បន្តការអនុវត្តច្បាប់ស្តីពីការត្រួតពិនិត្យគ្រឿងញៀន ប្រកប​ដោយប្រសិទ្ធភាពដើម្បីបង្ការ បង្រ្កាប បញ្ឈប់ការប្រើប្រាស់ ការនាំចេញ-គ្រាន់តែលាបពណ៌​គាត់​ជារបស់អ្នកនេះ ជូញដូរ ដាំដុះគ្រឿងញៀន និងជំរុញអោយអ្នកញៀនទៅទទួល​យក​សេវា​ព្យាបាល ស្តារនីតិសម្បទា។

៥.ត្រូវបង្កើតយន្តការត្រួតពិនិត្យ គ្រឿងញៀនពីថ្នាក់ក្រុង ស្រុក រហូត​ដល់សង្កាត់ ឃុំ ភូមិ ៦.អប់រំប្រជាពលរដ្ឋមាតាបិតា អាណាព្យាបាលអោយយល់ដឹង​ពី​បញ្ហាគ្រឿងញៀន ដើម្បី​អោយ​គាត់យល់បញ្ហាគ្រឿងញៀនជាបញ្ហារបស់យើងទាំងអស់គ្នា ហើយ​ចូលរួម​គ្រប់​រូប​ភាព​ដើម្បី​ភូមិឃុំសុវត្ថិភាព។ ប្រជាពលរដ្ឋចូលយើងទាំងអស់គ្នាយល់ ឲ្យច្បាស់អំពីគ្រឿងញៀន ហើយ​​​ចាត់ទុកថាបញ្ហា​គ្រឿង​ញៀន​ជាបញ្ហាយើងទាំងអស់គ្នា ពីព្រោះក្នុងពេលដែរគ្រួសារ​គេ​កំពុងរងគ្រោះ គ្រួសារ​យើង​​ក៏អាចកំពុងអាចនឹងបានកំពុងជួបប្រទះ​នឹងបញ្ហាដូចគ្នា​នេះដែរ​ផង​ក៏ថាបាន។ ដូចនេះត្រូវចេះអប់រំកូនចៅ តាមដាន និងសហការល្អជាមួយអាជ្ញាធរ មូលដ្ឋាន​ដើម្បី​​ប្រាកដ​ថាកូនចៅមិនពាក់ព័ន្ធគ្រឿងញៀន បើមានការធ្លាក់ក្នុងអន្ទាក់នៃគ្រឿងញៀន​ត្រូវ​សហ​ការ​បញ្ជូន​​ពូកគេទៅកន្លែងព្យាបាលស្តានីតិសម្បទា និងមិនត្រូវឆ្លៀតយក ផល​ប្រ​យោជន៍​ពីអ្នក​ប្រើប្រាស់គ្រឿងញៀនតាមរយ:ការលក់ឧបករណ៍សម្រាប់ជក់គ្រឿងញៀន ជួល​បន្ទប់ ជួល​ទីតាំ​ងនិងទទួលផ្ញើ មធ្យោបាយម៉ូតូជាដើម។

៧.សំណូមពរដល់និយោជក ម្ចាស់សហ​គ្រាស​រោងចក្រ ត្រូវចូលរួមណែនាំផ្សព្វផ្សាយអប់រំ​បង្ការ​​​ទប់ស្កាត់ កុំអោយកម្មករ កម្មការនី បុគ្គលិក​កុំអោយពាក់ពន្ធ័នឹងគ្រឿងញៀន ដោយ​បង្កើត​​អោយមានក្រុមបង្គោល ដើម្បីអោយយល់ថា គ្រឿងញៀនមិនមែន ជាថ្នាំលើកកំលាំង ឬ​ជា​ឱសថកាត់បន្ថយ ឬបំបាត់ភាពស្មុកស្មាញ ឬ​បង្កើនកំលាំងឡើយ។

៨.មាតាបិតាត្រូវពង្រឹងការទទួលខុសត្រូវបន្ថែមទៀតក្នុងការអប់រំថែទាំនិងត្រួតពិនិត្យជាប្រចាំដើម្បីអោយកូនចៀសឆ្ងាយពីគ្រឿងញៀន ពិសេសត្រូវសហការអោយបាន​ល្អជាមួយសាលា​រៀន ឬកន្លែងធ្វើការដើម្បីធានាថាកូនចៅពិតជាទៅសាលា ប្ញទៅកន្លែងធ្វើការ​ដោយមិន​ទៅ​ប្រព្រឹតអំពើផ្សេងៗដែលពាក់ពន្ធ័នឹងគ្រឿងញៀន។

៩.ចំពោះអ្នកពាក់ព័ន្ធគ្រឿងញៀន រួច​ហើយ ត្រូវប្រញាប់ភ្ញាក់ខ្លួនទៅរកសេវាគាំទ្រ ពិសេស​សេវា​ព្យាបាល​ស្តារនីតិសម្បទា​អ្នក​ញៀន​គ្រឿងញៀន ហើយត្រូវចាំថា គ្មានអ្នកណាអាចដោះ​ស្រាយ​​បញ្ហាគ្រឿងញៀន​ដែល​អ្នកបានប៉ះពាល់ ជាងខ្លួនអ្នកផ្ទាល់នោះទេ។

១០.សូមអោយសមត្ថកិច្ចអនុវត្តច្បាប់ទាំងអស់ ត្រូវប្រមូលវត្ថុតាងទ្រព្យ​សម្បត្តិពាក់ពន្ឋបទ​ល្មើស​​​​ គ្រឿងញៀនស្របតាមស្មារតីអនុក្រឹត្យមូលនិធិអាជ្ញាធរជាតិប្រយុទ្ធ​ប្រឆាំង​ គ្រឿង​ញៀន​។

ការកលើកឡើងនេះ បានធ្វើឡើងនៅពិធីអបអរសាទរ ទិវាអន្តរជាតិប្រយុទ្ធប្រឆាំង​គ្រឿង​ញៀន ក្រោមប្រធានបទ «ចូលរួមទាំងអស់ ដើម្បីជីវិត និងសហគមន៍យើងគ្មានគ្រឿង​ញៀន​» ​ដោយមានការអញ្ជើញចូលរួមពី នាយឧត្តមសេនីយ កែគឹមយ៉ាន ឧបនាយករដ្ឋមន្រ្តី ប្រធាន​អាជ្ញាធរជាតិប្រយុទ្ធប្រឆាំងគ្រឿងញៀន និងលោក ច័ន្ទ សុផលអភិបាលប្រធាន គណៈ​កម្មា​ធិការត្រួតពិនិត្យគ្រឿងញៀន ខេត្តបាត់ដំបង ដោយមានការចូលរួមពី​អគ្គលេខាធិការ​ដ្ឋាន​អាជ្ញាធរជាតិប្រយុទ្ធប្រឆាំងគ្រឿងញៀន តំណាងអយ្យការប្រធានសាលា ដំបូង មន្ទីរ អង្គភាព​ជុំវិញរដ្ឋបាលខេត្ត ក្រុង និស្សិត សិស្សានុសិស្សកាយរិទ្ធ កាកបាទក្រហម កងកំលាំង​ប្រដាប់​អាវុធ ។

ក្នុងឱកាសនោះ លោក ចន័្ទ សុផល បានបង្ហាញអោយឃើញថា ខេត្តបាត់ដំបង​មិនមែន​ជា​ខេត្តផលិត ដាំដុះគ្រឿងញៀនទេតែមានការ លួចប្រើប្រាស់ ជួញដូរដែលសមត្ថកិច្ចពាក់ព័ន្ធ គ្រប់លំដាប់ថ្នាក់ធ្វើការអប់រំ ស្តារនីតិសម្បទាចំពោះអ្នកប្រើប្រាស់និងបង្រ្កាបជនល្មើស ជូញ​ដូរគ្រឿងញៀន ហើយខេត្តបានធ្វើការអំពាវនាវដល់អ្នកពាក់ព័ន្ធក្រុមហ៊ុន សហគ្រាស រោង​ចក្រ និងវិស័យឯកជនត្រូវចូលរួម ទាំងអស់គ្នាដើម្បីបង្កា បង្រ្កាប និងដោះស្រាយ​បញ្ហាគ្រឿង​ញៀន។

ក្នុងឱកាសនោះ លោក ច័ន្ទ សុផល  នាយឧត្តមសេនីយ៍កែគឹមយ៉ាន បានថ្លែងកើតសសើរ ដល់គណៈកម្មាធិការត្រួតពិនិត្យគ្រឿងញៀន ខេត្ត និងអ្នកពាក់ព័ន្ធដែលបានរួមគ្នាអប់រំ បង្ការ និងដោះស្រាយគ្រឿងញៀន។

នាយឧត្តមសេនីយ៍​ បានប្រគល់់ថវិកាឧបត្ថម្ភជូន គណកម្មាធិការត្រួតពិនិត្យុគ្រឿងញៀនខេត្ត​ ថវិកា៣លានរៀល, មណ្ឌលពិភពក្តីសង្ឃឹម​ ថវិកា​ ពីរលានរៀល,មណ្ឌលកងរាជអាវុធ​ហត្ថ​ខេត្ត​ ថវិកា​ ពីរលានរៀល,វិទ្យាល័យ​នេតយ៉ង់​ថវិកា​ ១លានរៀល, យុវជនកាយរិទ្ធ​ ១០០នាក់​ ម្នាក់ៗទទួលបាន​ថវិកា​១ម៉ឺនរៀល,យុវជនកាកបាទក្រហម​ ១០០នាក់​ ម្នាក់ៗទទួល​​បានថវិកា​១​ម៉ឺនរៀល, សហភាពសហពន្ធ័យុវជនខេត្ត​ ១០០នាក់​ ម្នាក់ៗទទួលបានថវិកា១០០០០រៀល ,នគរបាលប៉ុស្តិ៍រដ្ឋបាលក្តុលដូនទាវ​ ថវិកា៥០ម៉ឺនរៀល,អ្នកកផ្តាច់ញៀនបានជោគជ័យ​ ថវិកា​៥០ម៉ឺនរៀល។

ក្រៅពីនោះ ក៏មានដុតបំផ្លាញគ្រឿងញៀនដែលរឹបអូសបានពីជនល្មើសមាន មេតំហ្វេតាមីន ហៅយ៉ាម៉ា (YW) ចំនួន៥២៨៧គ្រាប់ និងមេតំហ្វាតាមីន ហៅម៉ាទឹកកក ទំងន់១៥៣៩, ១៧​ក្រាមផងដែរ៕

សម្តេចតេជោ ហ៊ុន សែន បង្ហាញអារម្មណ៍ក្តុកក្តួលជាថ្មីនៅថ្ងៃខួបគំរប់៣ឆ្នាំ នៃមរណៈភាពបិតា សម្តេច «មហាឧបាសក ហ៊ុន នាង»

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបង្ហាញអារម្មណ៍ក្តុកក្តូល ជាថ្មីម្តងទៀត ចំពោះមរណៈភាព បិតារបស់សម្តេច គឺមហាឧបាសក ហ៊ុន នាង។ សម្តេចតេជោ បាន បញ្ជាក់ ថា ការបាត់បង់ព្រះរស់ ដែលជាអ្នកមានគុណ ដោយគ្មានពេលបានជួបវិញ គឺជារឿង ទុក្ខ សោកគ្មានថ្ងៃបំភ្លេចបាន។

ការបង្ហោះអារម្មណ៍សោកសង្រេង នេះបានធ្វើឡើង នៅចំថ្ងៃ ខួបគំរប់៣ឆ្នាំ នៃមរណៈភាព មហាឧបាសក ហ៊ុន នាង ដែលត្រូវជាឪពុកបង្កើតរបស់ សម្តេចតេជោ ហ៊ុន សែន នាយក រដ្ឋមន្រ្តីនៃកម្ពុជា។

យោងតាម Facebook Page ផ្លូវការរបស់សម្តេចតេជោ ហ៊ុន សែន បានបញ្ជាក់ យ៉ាងដូច្នេះ ថា «កើត ចាស់ ឈឺ ស្លាប់ ជាដំណើរធម្មតានៃជិវិតមនុស្ស។ ថ្ងៃ១២កក្កដាជាខួបគំរប់៣ឆ្នាំនៃ មរណៈភាពរបស់ឪពុកខ្ញុំ(១២ កក្កដា ២០១៣-១២ កក្កដា ២០១៦)។ ក៏ដូចប្រជាជនផ្សេង ទៀត ដែរ ការធ្វើបុណ្យឧទ្ទឹសកុសលសំរាប់ អ្នកមានគុណជាការ ចាំបាច់សំរាប់កូន ចៅ ចៅទួត។ សំរាប់ខ្ញុំបើទោះជាលោកឪពុក ចែកឋានទៅហើយក្តីតែពេលខ្លះ ខ្ញុំច្រឡំថាគាត់នៅរស់ ហើយ ទៅបើកបន្ទប់ មើលគាត់ដូចខ្ញុំធ្លាប់ធ្វើនៅ ពេលគាត់នៅរស់។ ខ្ញុំជាមនុស្សម្នាក់ចងចាំ បានល្អ តែ៣ឆ្នាំកន្លងផុត ទៅហើយដែលខ្ញុំភ្លេចភ្លាំង ថាឪពុកខ្ញុំនៅរស់ ហើយដើរទៅបើកបន្ទប់ មើល គាត់ច្រើនដងណាស់ហើយ។ តើព្រលឹងឪពុកខ្ញុំនៅតាម ថែទាំខ្ញុំមែនទេ? ឬមួយមក ពីខ្ញុំនឹក ឪពុកខ្ញុំពេកទើបស្រមើស្រម័យ បែបនេះដែលធ្វើឱ្យ ទឹកភ្នែកខ្ញុំបន្តហូរមិនឈប់»។

សូមជំរាបថា លោកតា ហ៊ុន នាង បិតា​បង្កើត​របស់ លោក​នាយករដ្ឋមន្ត្រី ហ៊ុន សែន បាន ទទួល​មរណភាព​ កាលពី​វេលា​ម៉ោង ៤៖១០ នាទីទៀបភ្លឺ ព្រឹក​ថ្ងៃ​សុក្រ ទី១២ ខែកក្កដា ឆ្នាំ ២០១៣ ក្នុង​ជន្មាយុ ៩០ឆ្នាំ ដោយ​ជរាពាធ៕

ឯកឧត្តមទេសរដ្ឋមន្រ្តី​ ស៊ុន ចាន់ថុល​ ស្នើម្ចាស់លំនៅឋានដែលនៅអមសង​ ខាងផ្លូវជាតិលេខ១​ ឲ្យចូលរួមសហការជាមួយអាជ្ញាធរ​មានសមត្ថកិច្ច

រដ្ឋមន្រ្តីក្រសួងសាធារណការ និងដឹកជញ្ជូន ឯកឧត្តមទេសរដ្ឋមន្រ្តី ស៊ុន ចាន់ថុលបានមានប្រសាសន៍ថាដើម្បី ពន្លឿនដល់ការសាងសង់ឲ្យបានឆាប់រួចរាល់ ឯកឧត្តម ក៏បានស្នើដល់ម្ចាស់លំនៅឋានដែលនៅអមសងខាងផ្លូវជាតិលេខ១     ត្រង់កន្លែងដែលកំពុងបើកការដ្ឋានកែលំអរ និងពង្រីកផ្លូវនោះ ឲ្យចូលរួមសហការជាមួយអាជ្ញាធរមានសមត្ថកិច្ច។ សំណើររបស់ឯកឧត្តម ត្រូវបានធ្វើឡើងក្នុងពេលដែលរូបលោកចុះត្រួតពិនិត្យការសាងសង់ កែលំអរផ្លូវជាតិលេខ១ នៅរសៀលថ្ងៃទី១១ ខែកក្កដា ឆ្នាំ២០១៦ ម្សិលមិញនេះ។

យោងតាមក្រសួងសាធារណការ និងដឹកជញ្ជូន គម្រោងសាងសង់កែលំអរផ្លូវជាតិលេខ១ ដែលចាប់ផ្តើមកាលពី ខែមេសា ឆ្នាំ២០១៥មកនោះ សម្រេចបានប្រមាណ ៦០ភាគរយហើយ ហើយរំពឹងនឹងបញ្ចប់ជាស្ថាពរនៅខែមីនា ឆ្នាំ២០១៧។

ក្រសួងបានបញ្ជាក់បន្ថែមឲ្យដឹងផងដែរថា ក្នុងការសាងសង់ កែលំអរ ផ្លូវនេះជួប និងបញ្ហាប្រឈមសំខាន់ៗជាច្រើនដូចជា ការកកស្ទះចរាចរដែលបង្កឡើងដោយរថយន្តធ្វើដំណើរលើកំណត់ផ្លូវនេះប្រមាណពី ២,០០០គ្រឿងទៅ ៣,០រ០០គ្រឿងក្នុងមួយថ្ងៃ ការពន្យារពេលក្នុងការរំកិលផ្ទះរបស់ប្រជាពលរដ្ឋ ដែលរងផលប៉ះពាល់ពីគម្រោងធ្វើឱ្យយឺតយ៉ាវដល់ការដកបង្គោលខ្សែបញ្ជូនអគ្គិសនី       និងការកកស្ទះចរាចរណ៍    ដែលបង្កឡើងដោយរថយន្តតាក់ស៊ីចតខុសច្បាប់ និងរថយន្តដឹកទំនិញផ្សេងទៀតផងដែរ។

ឯកឧត្តមរដ្ឋមន្ត្រី ស៊ុន ចាន់ថុល ក៏បានចូលជួបប្រជាពលរដ្ឋស្នើសុំការយោគយល់ និងអធ្យាស្រ័យ ពីការរំខាននានាពីការសាងសង និងកែលំអរផ្លូវនេះ ដែលការស្នើសុំនេះត្រូវបានធ្វើឡើងក្នុងពេលដែលឯកឧត្តម ចុះពិនិត្យដំណើរការសាងសង់ផ្លូវនោះ ទន្ទឹមនិងនោះ ឯកឧត្តមទេសរដ្ឋមន្ត្រី ក៏បានជំរុញឱ្យម្ចាស់លំនៅដ្ឋាននានា ដែលមិនបានសហការជាមួយអាជ្ញាធរ ខិតខំសហការឱ្យបានឆាប់តាមដែលអាចធ្វើបាន។

រដ្ឋមន្រ្តីក្រសួងសាធារណការ និងដឹកជញ្ជូន ឯកឧត្តមទេសរដ្ឋមន្រ្តី ស៊ុន ចាន់ថុល ក៏បានបញ្ជាក់ផងដែរថា       ការកែលម្អដែលធ្វើឱ្យប្រសើរឡើងនូវកំណាត់ផ្លូវជាតិលេខ១នេះ នឹង

ផ្តល់ផលប្រយោជន៍ផ្នែកសេដ្ឋកិច្ចយ៉ាងច្រើនដល់ប្រជាពលរដ្ឋ ដែលបានខិតខំប្រឹងប្រែងតស៊ូ នាពេលកន្លង៕

សម្តេចប្រមុខរដ្ឋស្តីទីអំពាវនាវដល់ប្រជាពលរដ្ឋចូលរូមដាំដើមឈើនិងការពារ ព្រៃឈើ

 នៅព្រឹកថ្ងៃទី០៩ ខែកក្កដា ឆ្នាំ២០១៦​ សម្តេចវិបុលសេនាភក្តី សាយ ឈុំ ប្រមុខ រដ្ឋស្តីទីនិងជា ប្រធានព្រឹទ្ធសភា នៃព្រះរាជា ណាចក្រកម្ពុជា និងជាព្រះរាជតំណាង ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះ​រា​ជា​ណាចក្រកម្ពុជា អញ្ជើញជាអធិបតីក្នុងពិធីបុណ្យរុក្ខទិវា ៩កក្កដា ដែលបានប្រារព្ធធ្វើនៅភូមិធម្មជាតិ សម្តេចតេជោ ឃុំស្រអែម ស្រុកជាំក្សាន្ត​ ខេត្តព្រះវិហារ។

សម្តេចប្រមុខរដ្ឋស្តីទីបានមានប្រសាសន៍ថា ព្រៃឈើមានទំនាក់ទំនងជាសារវ័ន្ត ជា មួយជីវិតនៅលើផែនដី ព្រៃឈើបានផ្តល់នូវពហុប្រយោជន៍មិនអាចប៉ាន់ប្រមាណបានដល់ មនុស្សជាតិ ហើយព្រៃឈើមិនត្រឹមតែ មានតម្លៃខាងសេដ្ឋកិច្ច និងសង្គមជាតិប៉ុណ្ណោះទេ តែថែមទាំងបាន ជួយថែរក្សាលំនឹងបរិស្ថានធម្មជាតិ ធ្វើ ឱ្យធាតុអាកាសមានភាពកាន់ប្រសើរ ឡើងរក្សានិយ័តភាពប្រភពទឹក ការពារទីជម្រាល និងការពារជីវៈចម្រុះ ថែមទាំងមានទំនាក់ ទំនងគ្នាយ៉ាងជិតស្និទ្ធជាមួយកសិកម្ម និយាយដោយឡែក និងនិយាយរួមព្រៃឈើ គឺជាប្រភព ផ្តល់ការរស់រានមានជីវិតចំពោះមនុស្ស សត្វ នៅលើភពផែនដីយើងនេះ។ ដូច្នេះព្រៃឈើសម្រាប់ យើងទាំងអស់គ្នា​ ទាំងអស់គ្នាសម្រាប់ព្រៃឈើ។

នៅក្នុងឱកាសនេះ សម្តេចវិបុលសេនាភក្តី សាយ ឈុំ បានស្នើដល់បងប្អូនប្រជាពល រដ្ឋទូទាំងប្រទេស រួមគ្នាបន្តថែរក្សាការពារព្រៃឈើ និងដាំកូនឈើល្អៗគ្រប់ប្រភេទឱ្យកាន់តែ សកម្មថែមទៀតនៅលើដីទំនេរ នៅតាមទីអារាម ភូមិដ្ឋាន និងនៅតាមទីកន្លែងផ្សេងទៀតឱ្យ បានច្រើនជាអតិបរមា រួមទាំងការដាំដុះដំណាំ ផ្សេងៗ និងចិញ្ចឹមសត្វ ដើម្បីអភិវឌ្ឍ មាតុភូមិ និងធ្វើឱ្យបរិយាកាសកាន់តែប្រសើរឡើង និងបង្កើតគម្រប ព្រៃឈើ ព្រមទាំងជួយសម្អាតភាព កង្វក់ក្នុងបរិយាកាស។

សម្តេច សាយ ឈុំ មានប្រសាសន៍ទៀតថា ពិធីបុណ្យរុក្ខទិវាជាប្រពៃណីវប្បធម៌ដ៏ ឧត្តុងឧត្តមរបស់ប្រជាជាតិ យើងមានតាំងពីសម័យសង្គមរាស្រ្តនិយមមកម៉្លេះ ដែល ត្រូវបាន ប្រារព្ធធ្វើឡើងរៀងរាល់ឆ្នាំ ដើម្បីលើក កម្ពស់ការដាំដើមឈើនៅព្រះរាជាណាចក្រកម្ពុជា។

សម្តេចវិបុលសេនាភក្តី សាយ ឈុំ ក៏បានអំពាវនាវដល់ព្រះសង្ឃគ្រប់ព្រះអង្គ ក្រសួង ស្ថាប័ននានា អាជ្ញាធរ មូលដ្ឋានគ្រប់លំដាប់ថ្នាក់ គ្រប់គ្រឹះស្ថានសិក្សា ទីអារាមទាំងអស់ និងបងប្អួនជនរួមជាតិទូទាំងប្រទេស បន្តចូលរួមដាំដើមឈើ ថែរក្សា និងការពារព្រៃឈើរបស់ យើងសម្រាប់ផ្តល់នូវក្តីសង្ឃឹមដល់ មនុស្សជាតិ ជំនាន់បច្ចុប្បន្ន និងជំនាន់ក្រោយៗទៀត។

បើយោងតាមរបាយការណ៍របស់ ឯកឧត្តម វេង សុខុន រដ្ឋមន្រ្តីក្រសួងកសិកម្ម រុក្ខប្រមាញ់ និងនេសាទ បាន ឱ្យដឹងថា គិតរហូតមកដល់ឆ្នាំ២០១៥ ពិធីបុណ្យរុក្ខទិវា ត្រូវបាន រៀបចំឡើងចំនួន២៥លើករួចហើយ នៅ លើផ្ទៃដីសរុប៤៤០ហិកតា។ ដោយឡែកសម្រាប់ ឆ្នាំ២០១៦នេះ ក្រសួងកសិកម្ម រុក្ខប្រមាញ់ និងនេសាទ ដោយមានកិច្ចសហការជាមួយ ក្រសួងព្រះបរមរាជវាំង អាជ្ញាធរខេត្តព្រះវិហារ និងអាជ្ញាធរជាតិព្រះវិហារ បានកំណត់យក ទីតាំងតំបន់គ១ ស្ថិតនៅភូមិធម្មជាតិសម្តេចតេជោ ឃុំស្រអែម ស្រុលជំាក្សាន្ត ដើម្បី ប្រារព្ធពិធីបុណ្យរុក្ខទិវាលើកទី២៦ លើផ្ទៃដីទំហំ ១២ហិកតា ដោយដាំកូនឈើប្រភេទ គ្រញូង នាងនូន ធ្នង់   បេង និងកកោះ។

ឯកឧត្តម វេង សុខុន បានឱ្យដឹងផងដែរថា កាលពីឆ្នាំ២០១៥កន្លងមកនេះ សមត្ថកិច្ច ជំនាញរដ្ឋបាលព្រៃឈើ នៃក្រសួងកសិកម្ម រុក្ខប្រមាញ់ និងនេសាទ បាន សហការជាមួយ កម្លាំងប្រដាប់អាវុធគ្រប់ប្រភេទ ព្រះអាជ្ញា រអមសាលាដំបូង និងអាជ្ញាធរខេត្ត បានចុះបង្រ្កាប បទល្មើសព្រៃឈើគ្រប់ប្រភេទនៅទូទាំងប្រទេស បានចំនួន ២ពាន់ ១៨៩ករណី ចាប់ឃាត់ និងរឹបអូសឈើគ្រប់ប្រភេទសរុបបានចំនួន ៥ពាន់ ៨១៤ម៉ែត្រគុប និងបានដាក់ ដេញថ្លៃ ជាសាធារណៈ។

នៅក្នុងពិធីបុណ្យរុក្ខទិវាប្រចាំឆ្នាំនេះ សម្តេចវិបុលសេនាភក្តី សាយ ឈុំ ប្រមុខរដ្ឋស្តីទីក៏បាននាំយកព្រះរាជ អំណោយ ព្រះករុណាជាអម្ចាស់ជីវិតតម្កល់លើត្បូងទៅប្រគេន ព្រះសង្ឃ ចំនួន៥អង្គ ក្នុងមួយអង្គៗមាន ទេយ្យទាន ១កញ្ចប់ និងបច្ច័យ ២៦០.០០០រៀល។ដូនជី តាជី ចំនួន ១០០នាក់ ម្នាក់ៗទទួលបាន ក្រណាត់ស ១ដុំ និងថវិកា ៥០.០០០រៀល។ ជនពិការ ៥០នាក់ ម្នាក់ៗទទួលបានឃីតមួយកញ្ចប់ (មុង ១ ភួយ១ សារុង១ ក្រមា១) ​និងថវិកាចំនួន ៥០.០០០រៀល។​ ប្រជារាស្ត្រក្រីក្រ ចំនួន ១០០នាក់ ម្នាក់ៗទទួលបាន ឃីត១កញ្ចប់ (មុង១ ភួយ១ សារុង១ ក្រមា១) និង៥០.០០០រៀល។ សិស្ស ១០០០នាក់ ម្នាក់ៗទទួលបានសៀវភៅសរសេរ មានព្រះឆាយាល័ក្ខណ៍ព្រះព្រះករុណា ព្រះបាទ សម្ដេចព្រះបរមនាថ នរោត្ដមសីហមុនី ព្រះមហាក្សត្រ នៃ ព្រះរា​ជា​ណាចក្រកម្ពុជាមួយក្បាល និងសៀវភៅសរសេរ រូបវិមានឯករាជ្យ ខួបលើកទី៥៥ ​នៃបុណ្យឯករាជ្យ​ជាតិ​មួយក្បាល រួមទាំងថវិកា៥០០០រៀល។ ​ ក្រុមយុវជនស្ម័គ្រចិត្តកាកបាទក្រហម ១០០នាក់ ម្នាក់ៗ ទទួល​បានសៀវភៅសរសេរ មានព្រះឆាយាល័ក្ខណ៍ព្រះព្រះករុណា ព្រះបាទសម្ដេច ព្រះបរមនាថ នរោត្ដមសីហមុនី ព្រះមហាក្សត្រ នៃព្រះ​រា​ជា​ណាចក្រកម្ពុជាមួយក្បាល និងសៀវភៅសរសេរ រូបវិមានឯករាជ្យខួបលើកទី៥៥ ​នៃបុណ្យឯករាជ្យជាតិមួយក្បាល ព្រមទាំងថវិកា១០.០០០រៀល។ យុវជនកាយរិទ្ធ១០០នាក់ ក្នុងម្នាក់ៗ​ទទួលបាន សៀវភៅសរសេរ មានព្រះឆាយាល័ក្ខណ៍ព្រះព្រះករុណា ព្រះបាទសម្ដេចព្រះបរមនាថ នរោត្ដម​សីហមុនី ព្រះមហាក្សត្រ នៃព្រះ​រា​ជា​ណាចក្រកម្ពុជាមួយក្បាល សៀវភៅសរសេរ រូបវិមានឯករាជ្យ​ខួប​លើកទី៥៥ ​នៃបុណ្យឯករាជ្យជាតិមួយក្បាល និងថវិកា១០.០០០រៀល។

សហភាពសហព័ន្ធយុវជនកម្ពុជាចំនួន ១០០នាក់ ក្នុងម្នាក់ៗទទួលបាន សៀវភៅសរសេរ មានព្រះឆាយា​ល័ក្ខណ៍ព្រះព្រះករុណា ព្រះបាទសម្ដេចព្រះបរមនាថ នរោត្ដមសីហមុនី ព្រះមហាក្សត្រ នៃព្រះ​រា​ជា​ណា​ចក្រ​កម្ពុជាមួយក្បាល និងសៀវភៅសរសេរ រូបវិមានឯករាជ្យ ខួបលើកទី៥៥ ​នៃបុណ្យឯករាជ្យជាតិមួយក្បាល ព្រមទាំងថវិកា១០.០០០រៀល។

លោកគ្រូអ្នកគ្រូ ១៥០នាក់ ម្នាក់ៗទទួលបានសារុង១ ក្រមា១ និងថវិកា ៥០.០០០រៀល និងបុគ្គលិកពេទ្យ​ ​១៧នាក់ ម្នាក់ៗទទួលបាន សារុង១ ក្រមា១ និងថវិកា ៥០.០០០រៀល។

ដោយឡែកក្រុមសិល្បៈចំនួន៤៧នាក់ ក្នុងម្នាក់ៗទទួលបាន សារុង១ និងថវិកា ១០០.០០០រៀល និងនារី ជូនបាច់ផ្កា ៣នាក់ ម្នាក់ៗទទួលបាន សារុង១ និងថវិកា ១០០.០០០រៀលផងដែរ៕

អ្នកនាំពាក្យក្រសួងយុត្តិធម៌ ថ្កោលទោសចំពោះអំពើបាញ់សម្លាប់លើបណ្ឌិត កែម ឡី

(ភ្នំពេញ)៖ ឯកឧត្តម គឹម សន្តិភាព អ្នកនាំពាក្យក្រសួងយុត្តិធម៌ សូមប្រកាសថ្កោលទោសចំពោះអំពើឃាតកម្មលើបណ្ឌិត កែម ឡី និងសូមអំពាវនាវឲ្យអាជ្ញាធរមានសមត្ថកិច្ចស៊ើបអង្កេត ស្វែងរកជនល្មើសមកផ្តន្ទាទោសតាមច្បាប់!

មន្រ្តីរាជរដ្ឋាភិបាល និងជាអ្នកនាំពាក្យរូបនោះបានបញ្ជាក់ថា ក៏សូមអំពាវនាវដល់បណ្តាញផ្សព្វផ្សាយនានា មេត្តារក្សាជំហរ ព័ត៌មានឲ្យបានច្បាស់លាស់ ពាក់ព័ន្ធនឹងករណីនេះ ដោយទុកលទ្ធភាពឲ្យមន្ត្រីមានសមត្ថកិច្ចស៊ើប អង្កេតស្រាវជ្រាវករណី នេះ!

សូមជំរាបថា លោកបណ្ឌិត កែម ឡី ត្រូវបានខ្មាន់កាំភ្លើងបាញ់សម្លាប់នៅក្នុង Stamart ស្តុបបូកគោ ខណ្ឌចំការមន។ ហើយខ្មាន់កាំភ្លើងម្នាក់ ត្រូវបានកម្លាំងនគរបាលចាប់បាន ពាក់ព័ន្ធការបាញ់សម្លាប់លោក កែម ឡី ក្រោយកើតហេតុភ្លាមៗ ដោយសារតែឃើញ អាវប្រឡាក់ឈាម ហើយជនសង្ស័យបានសារភាពថា មូលហេតុគឺលោក កែម ឡី ជំពាក់លុយ៣០០០ដុល្លារមិនសង។

ខ្មាន់កាំភ្លើងបានសារភាពថា ខ្លួនឈ្មោះ ជួប សម្លាប់ អាយុ៣៣ឆ្នាំ ជាជាងបាញ់ថ្នាំនៅប្រទេសថៃ។ ជនសង្ស័យបានសារភាព ថា ខ្លួនជិះម៉ូតូឌុបមកទេ ហើយប្រើកាំភ្លើងខ្លីបាញ់សម្លាប់ជនរងគ្រោះ៕

វីដេអូ៖ វេទិកាតុមូល ស្តីពីជោគជ័យនៃគណៈកម្មាធិការ សម្របសម្រួលអន្តរជាតិ (ICC-Angkor)