​ប្រធាន​​​គណៈមេធាវី​ ស្នើសុំឲ្យ​លោ​កស្រីមេ​ធា​វី ទ្រី ឈួន រា​​យការណ៍​ស្តីពី​ការមិ​នបន្តផ្ត​ល់មេធាវីការ​ពារ​ក្តីចំពោះ​កញ្ញា ស្រីមុំ​

នៅថ្ងៃទី២៦ ​ ខែមេសា ​​  ឆ្នាំ២០១៦នេះ     លោកមេធាវី  ​ ​​​​​​​ប៊ុន ​​  ​​ហុន  ​​  ​​​ប្រធានគណៈមេធាវីនៃព្រះរាជា​ណាចក្រកម្ពុជា បានផ្ញើលិខិតមួ​យច្បាប់ជូនលោ​កស្រីមេធាវី ទ្រី ឈូន មេធាវីប្រចាំសមាគ​មការពារសិទ្ធមនុស្ស​អាដហុកដើម្បីស្នើសុំលោ​កស្រីមេធាវី រាយការណ៍ពីការលំបាកពាក់ព័ន្ធ​ នឹងការការពារ​ក្តីឲ្យកញ្ញា​ខុម ចាន់តារ៉ាទី ហៅ ស្រីមុំ។

យោងតាមលិខិត​នោះបានឲ្យដឹងថា បន្ទាប់ពីសមាគម​អាដហុកបា​នចេញសេចក្តីប្រកាសព័ត៌មាន ពីការមិនបន្តផ្តល់មេធាវីការពារក្តីចំពោះករណី​កញ្ញាខុម ចាន់តារ៉ាទី ហៅ ស្រីមុំ ចុះថ្ងៃទី២២ ខែមេសា ឆ្នាំ២០១៦​ រួចមក គណៈមេធាវីបា​នសង្កេតឃើ​ញបណ្តាញសារព័ត៌មាននានា បានផ្សា​យនូ​វព័ត៌មា​នផ្សេងៗ ដែលធ្វើ​ឲ្យមានម​ន្ទិលសង្ស័យថាមា​នការបំពានលើឯករាជ្យភា​ព និងសេ​រីភាពវិ​ជ្ជាជីវៈមេធាវី។

នៅក្នុងលិខិ​តនោះក៏បានសុំឲ្យលោកស្រី​មេធាវី ទ្រី ឈូន រាយការណ៍​មកគណៈមេធាវីអំពីករណី​នេះ​ឲ្យបានឆាប់ ដើម្បីឲ្យ​គណៈមេធា​វីចាត់វិធាន​ការស្រប​តាមច្បាប់ និងបទប្បញ្ញត្តិជាធរមាន៕

អាជ្ញាធរ​ជាតិ​អប្សរា​បើក​ការ​ប្រឡង​ជ្រើស​រើស​មគ្គុទ្ទេស​ក៍ទេសច​រណ៍ទៅ សិក្សារយៈ​ពេល​ខ្លីនៅ​ទីក្រុង​ម៉ាកាវ​សាធារ​ណ​រដ្ឋ​ប្រជា​មានិតចិន

នាព្រឹកថ្ងៃទី២៧ ខែមេសា ឆ្នាំ២០១៦ នៅមជ្ឈមណ្ឌលបណ្តុះបណ្តាលអង្គរ ឯកឧត្តម សុខ សង្វារ អគ្គនាយករងអាជ្ញាធរជាតិអប្សរា បានអញ្ជើញចូលរួមជា​អធិបតីក្នុងការបើក​កម្មវិធីប្រឡងជ្រើស​រើស​មគ្គុទ្ទេសក៍ទេសចរណ៍ចំនួន២០នាក់ ក្នុងចំណោម៣៦នាក់ ដើម្បីទទួលការបណ្តុះបណ្តាលស្តីពី ការគ្រប់គ្រងនិងបកស្រាយព័ត៌មាននៅក្នុងរមណីយដ្ឋានបេតិកភណ្ឌពិភពលោក រយៈពេល៩ថ្ងៃ  នៅទីក្រុងម៉ាកាវសាធារណរដ្ឋប្រជាមានិតចិន ដែលនឹងចាប់ផ្តើមនៅខែមិថុនា ឆ្នាំ២០១៦ខាងមុខនេះ។

  ទាក់ទងនឹងការប្រឡងជ្រើសរើសនៅថ្ងៃនេះដែរ ក៏មានសមាសភាពគណៈកម្មការចូលរួមមកពីអាជ្ញាធរជាតិអប្សរា ក្រសួងវប្បធម៌និងវិចិត្រសិល្បៈ និងក្រសួងទេសចរណ៍ ហើយបេក្ខជនទាំងអស់ត្រូវប្រឡងសំណេរនិងសំណួរផ្ទាល់មាត់រយៈពេលមួយថ្ងៃពេញ។ ចំពោះបេក្ខជនទាំង២០រូបដែលនឹងប្រឡងជាប់ នឹងមានឱកាសចុះកម្មសិក្សារយៈពេល៩ថ្ងៃនៅម៉ាកាវ ដោយមិនបាច់បង់ថ្លៃសំបុត្រយន្តហោះ ការហូបចុក និងការស្នាក់នៅ ដើម្បីសិក្សាអំពីវប្បធម៌គ្នាទៅវិញទៅមក និងចែករំលែកបទពិសោធន៍មគ្គុទ្ទេសក៍ទេសចរណ៍នៅម៉ាកាវនិងនៅកម្ពុជា។ លើសពីនោះក៏មានការរៀបចំដំណើរទស្សនកិច្ចសិក្សាផ្ទាល់នៅតំបន់ទេសចរណ៍ពិភពលោកមួយចំនួននៅម៉ាកាវ ដើម្បីឱ្យបេក្ខជនទាំងអស់បានរៀនសូត្របន្ថែមពីបច្ចេកទេសពាក់ព័ន្ធនឹងសេវាកម្មមគ្គុទ្ទេសក៍ទេសចរណ៍។

  ថ្លែងក្នុងឱកាសបើកកម្មវិធី ឯកឧត្តម សុខ សង្វារ ក៏បានប្រាប់ដែរថា វគ្គបណ្តុះបណ្តាលនេះកើតឡើងដោយយោងទៅលើ MOU រវាងអាជ្ញាធរជាតិអប្សរានិងអង្គការទេសចរណ៍ពិភពលោក ដែលមានដៃគូច្រើននៅលើឆាកអន្តរជាតិ ហើយអង្គការនេះក៏បានចាប់ដៃគូជាមួយប្រទេសចិន ដើម្បីបណ្តុះបណ្តាលជំនាញមគ្គុទ្ទេសក៍ទេសចរណ៍ជូនអាជ្ញាធរជាតិអប្សរាផងដែរ។ ថ្វីត្បិតតែរយៈពេលទៅសិក្សានេះខ្លី តែវាជាឱកាសមួយសម្រាប់បេក្ខជនទាំងអស់ក្រេបយកចំណេះដឹងពីប្រទេសគេ ដើម្បីអភិវឌ្ឍន៍សមត្ថភាពរបស់ខ្លួនបន្ថែមលើអ្វីដែលខ្លួនមានសព្វថ្ងៃ ហើយវាក៏ជាចំណែកមួយក្នុងការជួយផ្សព្វផ្សាយពីបទពិសោធន៍របស់ខ្លួនក្នុង ប្រទេសទៅកាន់បរទេសវិញផងដែរ។

ឯកឧត្តមក៏បញ្ជាក់បន្ថែមដែរថា តំបន់អង្គរ ជាតំបន់ទេសចរណ៍ជាប់ចំណាត់ថ្នាក់លេខ១លើពិភពលោក ដែលភ្ញៀវទេសចរណ៍ចង់ទៅមកលេងសប្បាយ ដូច្នេះហើយដើម្បីឱ្យភ្ញៀវទេសចរទាំងអស់ទទួលបានព័ត៌មានជាក់លាក់ពីតំបន់ទេសចរណ៍ យើងត្រូវមានមគ្គុទ្ទេសក៍ដែលមានបទពិសោធន៍ល្អ មានចំណេះដឹងល្អ និងមានជំនាញក្នុងផ្តលព័ត៌មានជួនភ្ញៀវ។ ក្នុងនាមអាជ្ញាធរជាតិអប្សរាដែលគ្រប់គ្រងតំបន់រមណីយដ្ឋានអង្គរ យើងនឹងធានាសេវាទេសចរណ៍ឱ្យប្រសើរ តាមរយៈការបណ្តុះបណ្តាលមគ្គុទ្ទេសក៍ទេសចរណ៍ឱ្យមានសមត្ថភាព បទពិសោធន៍ ចំណេះដឹងដើម្បីផ្តល់ព័ត៌មានល្អជូនភ្ញៀវ ធ្វើឱ្យភ្ញៀវសប្បាយចិត្តចង់មកទស្សនាទៀត ដែលបានទាញផលចំណេញសម្រាប់អាជ្ញាធរជាតិអប្សរាផងនិងប្រទេសកម្ពុជាផង។

ជាចុងក្រោយឯកឧត្តមក៏សូមជូនពរឱ្យបេក្ខជនទាំងអស់បានជោគជ័យក្នុងការប្រឡង ឯអ្នកមិនបានជោគជ័យក៏កុំអស់សង្ឃឹម សូមបន្តការខិតខំដុះខាត់សមត្ថភាពបន្តទៀត។ ម្យ៉ាងវិញទៀត ចំពោះបេក្ខជនដែលមានសំណាងបានទៅសិក្សា សូមឱ្យមានវត្តមានគ្រប់គ្នានៅលើទឹកដីម៉ាកាវ ដែលនេះនឹងបង្ហាញពីការទទួលខុសត្រូវនិងឱកាសក្នុងការអភិវឌ្ឍសមត្ថភាពខ្លួនផង ហើយពេលត្រឡប់មកវិញសូមជួយចែករំលែកចំណេះដឹងទាំងនោះដល់អ្នកក្នុងស្រុក រួមទាំងធ្វើជាមគ្គុទ្ទេសក៍គំរូដល់អ្នកជំនាន់ក្រោយផងដែរ៕

កម្ពុជា-​ចិន សន្យារួម​គ្នាថា នឹង​រឹតចំ​ណង​មិត្តភាព បន្ថែម​ទៀត លើគ្រប់​វិស័យ ខណៈ​ប្រទេសទាំ​ង​ពីរ កំពុង​មាន​ទំនាក់ទំនង​ជាមួយ​គ្នាយ៉ាង​ល្អ

នៅក្នុង​ជំនួបពិភាក្សាការងារ​រវាងឯកឧត្តម​បណ្ឌិតសភាចារ្យសុខ អាន ឧបនាយករដ្ឋមន្រ្តី រដ្ឋមន្រ្តី​ទទួល​បន្ទុក​ទីស្តីការគណៈរដ្ឋមន្រ្តី និងឯកឧត្តម Chen Minér លេខា​បក្សកុំម្មុយនីស្តចិន នៃខេត្តគុយ​ចូវ កាលពី​រសៀល​ថ្ងៃទី២៥ ខែមេសា ឆ្នាំ២០១៦ នៅទីស្តីការគណៈរដ្ឋមន្ត្រី ភាគីទាំង២ ​កម្ពុជា-ចិន បាន​សន្យារួមគ្នាថា នឹងរឹត​ចំណងមិត្តភាពបន្ថែមទៀត លើគ្រប់វិស័យ ខណៈ​ប្រទេសទាំងពីរ កំពុងមាន​ទំនាក់ទំនង​​ជាមួយ​គ្នា​យ៉ាងល្អ។

នៅ​ក្រោយ​ជំនួបនោះ លោក ឯក ថា ​អនុប្រធាន​នាយកដ្ឋាន​ព័ត៌មាន នៃអង្គភាពព័ត៌មាន និងប្រតិកម្មរហ័ស បាន​​ឲ្យ​ដឹងថា៖ កិច្ចពិភាក្សានោះ ភាគីទាំងពី​រ បានផ្តោត​ទៅលើវិស័យអាទិភាព​មួយចំនួន​ដូចជា ​វិស័យ​ទេស​ចរណ៍ កសិកម្ម ពាណិជ្ជកម្ម និងវិស័យអប់រំ។ ក្នុងនោះឯកឧត្តម​បណ្ឌិតសភាចារ្យ បានស្នើឲ្យ​មានការ​ជម្រុញ​​ភ្ញៀវ​ទេស​ចរ​ណ៍​ចិន ចូលមក​កម្ពុជា​បន្ថែមទៀត ខណៈដែលឆ្នាំកន្លង​ទៅចំនួន​ទេសចរណ៍ចិន មក​កម្ពុជា​មាន​ប្រមាណ តែជាង៧០ម៉ឺននាក់។ លើសពីនេះ ឯកឧត្តម​ ឧបនាយក​រដ្ឋមន្រ្តី បាន​ស្នើឲ្យ​មាន​ការ​ជម្រុញ​ដល់​​អ្នក​វិនិ​យោគ​ចិន​ឲ្យមកបណ្តាក់ទុន​នៅកម្ពុជា ឲ្យបានកាន់តែច្រើន ព្រោះកម្ពុជា​មានសុខសន្តិភាព មាន​ស្ថេរ​ភាព​​នយោ​បាយ សុវត្ថិភាពទាំង​ការងារ និងការ​រស់នៅ។ ជាមួយនេះ​ដើម្បីលំហូរភ្ញៀវទេសចរណ៍ ចិន​មកកម្ពុជា​កាន់​​តែច្រើន ឯកឧត្តមបណ្ឌិតសភាចារ្យ បានលើក​​ទឹកចិត្តឲ្យ​មាន​​ការហោះហើរ​យន្តហោះ​ពាណិជ្ជកម្ម ដោយ​ត្រង់​​ពី​ខេត្តគុយចូវ​ ប្រទេស​ចិន មកកាន់រា​ជធានីភ្នំពេញ ​ក៏ដូចជា​ខេត្តសៀមរាបតែម្តង។ មួយ​វិញទៀត​ដោយ​​សារ​កម្ពុជា មានសក្កានុពលខ្ពស់ផ្នែក​វិស័យកសិកម្មនោះ ឯកឧត្តម​បណ្ឌិតសភាចារ្យ ក៏បាន លើក​ទឹក​ចិត្តឲ្យ​​មានកិច្ច​សហប្រតិបត្តិការ រវាងខេត្ត​គុយចូវជា​មួយ​ខេត្តតាកែវ​លើផល​ដំណាំស្រូវ។ ដោយ​​ឡែក​សម្រាប់​​​វិស័យ​អប់រំវិញ ឯកឧត្តមបណ្ឌិត​សភាចារ្យ ក៏បាន​ជម្រុញ​ឲ្យមាន​ការផ្លាស់​ប្តូរ​ទស្សន​កិច្ច​សិក្សា​បន្ថែម​ទៀត​ រវាងយុវជន ថ្នាក់ដឹក​នាំកម្ពុជា និងយុវជន​ក៏ដូចជា​ថ្នាក់ដឹកនាំ​ខេត្តគុយចូវ។

ជាការឆ្លើយ​តបឯកឧត្តម Chen Minér បានមាន​ប្រសាសន៍​ថា ទំនា​ក់​ទំនង​រវាងប្រទេស ទាំងពីរ​កាន់​តែ​មាន​ភាព​ស៊ីជម្រៅ និងរឹងមាំ ពីមួយថ្ងៃទៅមួយថ្ងៃ ទាំងផ្នែក​ការទូត អប់រំ ទេសចរណ៍ និងកសិកម្ម និង​វិស័យ​ជាច្រើន​ទៀតនាពេលកន្លងមក ហើយក្នុងដំណើរបំពេញ​ទស្សនកិច្ច​របស់ ឯកឧត្តម ​លើកនេះ​ឯកឧត្តម​ នឹង​ចុះ​​ហត្ថលេខា​សហប្រតិបត្តិការ​ជាមួយ​ខេត្តសៀមរាប ដែល​ជាខេត្ត​មានសក្កដានុ​ពល ផ្នែក​ទេស​ចរណ៍​ផង​ដែរ​៕

ឯកឧត្ត​មបណ្ឌិត​សភាចារ្យ សុខ អាន បានជំរុញ​និងលើក​​ទឹកចិត្ត​ប្រទេស​សឹង្ហ​បុរីឲ្យចូលរួម លើការ​ងារ​ថែទាំ និង​អភិរក្ស​ប្រាសាទ​ព្រៈវិហារ

ឯកឧត្តម  ខេវីន ជក់ (Kevin Cheok) ឯកអគ្គរដ្ឋទូ ​ត​នៃសាធារណៈ​រដ្ឋសឹង្ហបុរី ប្រចាំព្រះរាជាណាចក្រកម្ពុជា ដែលត្រូវ​បញ្ចប់អាណត្តិ នាព្រឹកថ្ងៃទី២៥ ខែ​មេសា ឆ្នាំ២០១៦នេះ ត្រូវបាន​ឯកឧត្តមបណ្ឌិត​សភាចារ្យ សុខ អាន ឧបនាយក ​រដ្ឋមន្រ្ដី រដ្ឋមន្រ្ដីទទួល​បន្ទុកទីស្ដីការគណៈ​រដ្ឋមន្រ្ដី បានអនុញ្ញាត្តិ​ឲ្យចូលជួបសម្ដែង​ការគួរសម និងជំរាបលា ​ខណៈពេលដែល ឯកឧត្តម  KEVIN  CHEOK  បានបំពេញ​ការងារទូត​យ៉ាងសកម្ម​ជិត៣ឆ្នាំ កន្លងមកនេះ​បានធ្វើឲ្យ​ប្រទេស​ទាំង២  មាន​ការការទំនាក់​ទំនងគ្នាយ៉ាង​ល្អប្រសើរ ក្នុងនោះ​កាលពីឆ្នាំ២០១៤ កម្ពុជាបានធ្វើការនាំទំនិញចេញទៅ​កាន់ប្រទេស​សឹង្ហបុរី ដែលមានទំហំ​ទឹកប្រាក់​ប្រមាណជា​១ពាន់លានដុល្លារ ពិសេស ការលំហូចូល​នៃនាក់វិនិយោគទន់ប្រទេស​សឹង្ហបុរីមកកាន់កម្ពុជា ដែលជាការរួមចំណែក មួយដ៍សំខាន់ក្នុងការអភិវឌ្ឍសេដ្ឋកិច្ចនៅកម្ពុជា ។

ក្នុងជំនួបនេះ ឯកឧត្តមបណ្ឌិតសភាចារ្យ សុខ អាន បានមាន ​ប្រសាសន៍​ថា៖ កម្ពុជាមាន​​សក្ដានុ​ពលខ្ពស់ លើវិស័យទេសចរណ៍ វប្បមធ៌ ដោយកម្ពុជា​មានប្រាង្គប្រាសាទបុរាណ ជាច្រើន ដូចនេះប្រទេស​សឹង្ហបុរី គួ​រចូលរួមផ្នែកវប្បធម៌ លើការងារ​ថែទាំ​ជួសជុល និងអភិរក្សប្រាសាទ​ព្រះវិហារ ជាសម្បត្តិបេតិក​ភណ្ឌពិភពលោក ជាមួយនិងបណ្ដា​ប្រទេសផ្សេងៗទៀត ដែលបេតិក​ភណ្ឌមួយនេះ ត្រូវបានចុះក្នុង​ប​ញ្ជីបេតិក​ភណ្ឌពិភពលោក កាលពីឆ្នាំ២០១៨ ហើយបច្ចុប្បន្ន​ការងារនេះ ត្រូវបាន​បង្កើតជាគ​ណៈកម្មាធិការ​សម្របសម្រួល​អន្ដរជាតិ ដើម្បីកិច្ច​គាំពារ ថែទាំនិង​ជួសជុល​​ប្រាសាទព្រះវិហារ​​ដែលហៅកាត់ថា អាយស៊ីស៊ី ព្រះវិហារ   ដោយមាន​សហប្រធាន​ប្រទេសចិន និងប្រទេសឥណ្ឌា ព្រមទាំង​សមាភាពចូល​រួមជាច្រើន​ប្រទេស ទៀតផង ដែរ។ ឯកឧត្តមបណ្ឌិតសភាចារ្យ សុខ អាន ក៏បាន​ជំរុញ​ និងលើកទឹកចិត្ត​ដល់ប្រទេស​សឹង្ហបូរី ឱ្យ​ចូលរួម​លើ​ការងារ​​ងែទាំ​ និងអភិរក្សប្រាសាទព្រះវិហារ​ផងដែរ។

  

ឯកឧត្តម  ខេវីន ជក់ (Kevin Cheok) ឯកអគ្គរដ្ឋ ​ទួតសឹង្ហ​បុរីដែលត្រូវ​បញ្ចប់អាណត្តិ បានវាយតម្លៃខ្ពស់ចំពោះ​​ការវិវត្តន៍រីកចំរើននៅប្រទេស​ កម្ពុជាក្នុងរយៈពេលចុងក្រោយនេះ លើផ្នែកហេ​ដ្ឋារចនាសម្ព័ន្ធ និងសំ​ណង់ដែល​បច្ចុ​ប្បន្ន មានការ​អភិវឌ្ឍយ៉ាងឆាប់រហ័ស  ព្រមជាមួយនឹងការនាំ​យកនូវ​សំណើរដែល​​ឯកឧត្តមបណ្ឌិតសភាចារ្យ សុខ អាន ទៅជំរាបជូនដល់រដ្ឋាភិបាលសឹង្ហបុរី ធ្វើការពិនិត្យ និងសម្រេច៕

លោ​ក ស៊ាង ចែត គ្រាន់តែ​ត្រូវ​បា​នអញ្ជើញ​ម​កផ្តល់​ច​ម្លើយ នៅ ACU តែ​ប៉ុ​ណ្ណោះ មិន​មែន​​ជាការចា​ប់ខ្លួន​ដូ​ចកា​រ​ផ្សាយ​បំ​ផ្លើ​ស​​នោះទេ​

ឯកឧត្តមទេ​សរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយ នៅថ្ងៃទី ២៥ ខែមេសា ឆ្នាំ២០១៦នេះ បានថ្លែងនៅក្នុងសន្និសីទសារព័ត៌មាន នៅអង្គភាពប្រឆាំងអំពើពុករលួយថា លោក ស៊ាង ចែត មេឃុំស្រក ស្រុកកំពង់សៀម ខេត្តកំពង់ចាម មកពីគណបក្សសង្គ្រោះជាតិ គឺគ្រាន់តែជាការអញ្ជើញមកផ្តល់ចម្លើយ ពាក់ព័ន្ធនិងករណី កញ្ញា ខុម ចាន់ដារ៉ាទី ហៅស្រីមុំ តាមនីតិវិធីផ្លូវច្បាប់ ដែលអង្គភាពប្រឆាំងអំពើពុករលួយ បានអនុវត្តក្នុងករណីនេះប៉ុណ្ណោះ វាមិនមែនជាការចាប់ឃាត់ខ្លួន ដូចការផ្សព្វផ្សាយ  និងការទាមទាររបស់គណបក្សនយោបាយមួយនោះឡើយ។

ឯកឧត្តម ឱម យ៉ិនទៀង បានរៀបរាប់នៅក្នុងសន្និសីទកាសែត យ៉ាងដូច្នេះថា ACU បានធ្វើលិខិតកោះអញ្ជើញមនុស្ស៨នាក់ទៀត ដើម្បីមកបំភ្លឺពាក់ព័ន្ធករណី ស្រីមុំ ក្នុងនោះក៏មានមន្រ្តីសមាគមអាដហុកផងដែរ។ ឯកឧត្តម ឱម យ៉ិនទៀង បានបញ្ជាក់ថា ការកោះអញ្ជើញ លោក ស៊ាង សែត មកឆ្លើយបំភ្លឺ រហូតឈានដល់ការឃាត់ខ្លួន ក្នុងសំណុំរឿង របស់ កញ្ញា ខុម ចាន់ដារ៉ាទី ហៅស្រីមុំ មិនមែនមកពីអក្សរចំនួន៤ទំព័ររបស់ស្រីមុំ នោះទេ គឺការចាប់ខ្លួននេះ យោងតាមការចម្លើយរបស់លោក ស៊ាង ចែត តែម្តង ដូច្នេះសូមច្រានចោលទាំងស្រុងចំពោះការចោទប្រកាន់ និងការលាបពណ៌របស់ជនទាំងឡាយ ដែលថា ACU ចាប់ខ្លួនមេឃុំ ស៊ាង សែត ព្រោះតែការឆ្លើយដាក់ពីបុគ្គលម្នាក់ គឺស្រីមុំ។ លោកបានបញ្ជាក់ថា រហូតមកដល់ម៉ោងនេះ ប្រមាណ៣៦ម៉ោងនេះ លោកបានមិនទាន់បានសម្រាកនៅឡើយទេ តែលោកមេឃុំបានសម្រាក បាយភ្លៅមាន់ ហើយដេកនៅក្នុងបន្ទប់ម៉ាស៊ីនត្រជាក់ទៀតផង។ ឯកឧត្តម ឱម យ៉ិនទៀង ប្រធានអង្គភាពប្រឆាំងអំពើពុករលួយ បានថ្លែងបញ្ជាក់ថា លោកបានធ្វើលិខិតកោះអញ្ជើញ មនុស្ស៨នាក់ផ្សេងទៀត ដើម្បីស្តាប់ការបំភ្លឺជុំវិញករណីរបស់ កញ្ញា ខុម ចាន់តារាទី ហៅស្រីមុំបន្ទាប់ឃាត់ខ្លួនលោកមេឃុំ ស៊ាង ចែត ក្នុងករណីទទួលសំណូក ៥០០ដុល្លារ។

ឯកឧត្តមទេសរដ្ឋមន្រ្តី បានបន្តទៀតថា លោកមេឃុំ ស៊ាង ចែត និយាយថា មេដឹកនាំរបស់លោក បានប្រើកូនចៅរហូតឲ្យជាប់គុក ដូច្នេះគាត់កំពុងខឹងមេដឹកនាំរបស់គាត់ ហើយនឹងអាចលាឈប់ហើយ។ ឯកឧត្តម ឱម យ៉ិនទៀង បានលើកឡើងថា លោក អេង ឆៃអ៊ាង ជាអ្នករៀបចំធ្វើការចោទប្រកាន់អង្គភាពរបស់លោកថា បានចាប់ខ្លួនលោក ស៊ាង ចែត ផ្អែកលើការលើកឡើងរបស់ កញ្ញាស្រីមុំតែម្នាក់នោះ តែលោកបានបញ្ជាក់ដដែលជាដដែលថា អង្គភាពរបស់លោក បានអញ្ជើញ មិនមែនចាប់ខ្លួននោះទេ នៅពេលជួ​បគាត់ដោយចៃដន្យ​នៅសាលាស្រុក កំពង់សៀម ខេត្តកំពង់ចាម។ ឯកឧត្តមទេសរដ្ឋម​ន្រ្តី ឱម យ៉ិនទៀង បានឲ្យដឹងទៀតថា អង្គភាពACUរបស់ឯកឧត្តម​ នឹងកោះហៅមនុស្សចំនួន៨នាក់ទៀត ជុំវិញករណីនេះក្នុងនោះមានម្នាក់ បានរត់គេចខ្លួនទៅកាន់ព្រំដែន។ លោកបានប​ញ្ជាក់ទៀតថា ប្រសិនបើម្តាយស្រីមុំ ទទួលប្រាក់ទាំង២លានរៀលនោះ ពីមេឃុំ ស៊ាង ចែត នោះអាចប្រឈមការជាប់ពន្ធនាគារ ចំនួន៥ឆ្នាំ តែម្តាយស្រីមុំ បានបដិសេធមិនទាន់ទទួល ដូច្នេះលុយទាំងនេះនៅនឹងលោកមេឃុំ។

អង្គភាពប្រឆាំងអំពើពុករលួយ ក៏បានលើកឡើងទៀតថា អ្នកលាបពណ៌ អ្នកបំផ្លើស ពិនិត្យមើល ការអនុវត្តនីតិវិធីរបស់ ACU សិនមុននឹងគ្រវីជក់ពណ៌របស់ខ្លួន។ ACU ក៏បានអំពាវនាវដល់ សាធារណៈជនមេត្តាពិនិត្យ តើACU អញ្ជើញមេឃុំ ស៊ាង ចែត មកស្តាប់ចម្លើយបន្តនេះ ដោយគ្រាន់តែស្តាប់ស្រីមុំម្នាក់ឆ្លើយដាក់ ឬមកពីចម្លើយរបស់មេឃុំ ស៊ាង ចែត ដែលមានទម្ងន់ដាក់បន្ទុកលើខ្លួនឯង ថាខ្លួនពិតជាបានប្រព្រឹត្តដូច្នេះមែន? ការឆ្លើយដាក់របស់ស្រីមុំ មានតម្លៃតែ ២០% ទេ រឺឯចម្លើយរបស់មេឃុំ ស៊ាង ចែត មានតម្លៃដល់៨០% សម្រាប់អញ្ជើញគាត់មក ACU ហើយក្នុងរយៈពេល ៤៨ម៉ោងនៅ ACU នេះទៀត គឺជាដំណាក់កាលដែល ACU ទម្លាក់ភស្តុតាងនានាឱ្យមេឃុំ ស៊ាង ចែត ឆ្លើយដោះសារដោយយុត្តិធម៌បំផុត។

យោងតាមប្រភពព័ត៌មានពី ACU បានឱ្យដឹងថា ACUបានធ្វើលិខិតកោះហៅមនុស្ស៨នាក់ ដើម្បីមកបំភ្លឺពាក់ព័ន្ធករណីសំណុំរឿង កញ្ញាស្រីមុំ ក្នុងនោះមានមនុស្ស៥នាក់ដែលត្រូវបានបង្ហាញសមាសភាពរួចហើយ ដែលរួមមាន៖ ១- លោក នី សុខា ប្រធានផ្នែកស៊ើបអង្កេតសមាគមអាដហុក ២- លោក យី សុខសាន្ត អនុប្រធានផ្នែកស៊ើបអង្កេតសមាគមអាដហុក ៣- លោក ណៃ វ៉ងដា អនុប្រធានផ្នែកស៊ើបអង្កេតសមាគមអាដហុក ៤- លោកស្រី លឹម មុនី មន្រ្តីអង្កេតជាន់ខ្ពស់នៃសមាគមអាដហុក និង៥- លោកស្រី ទ្រី ឈូន មេធាវី នៃសមាគមអាដហុក ដែលធ្លាប់ការពារក្តីឱ្យស្រីមុំកន្លងមក។ ចំណែកឯមនុស្ស៣នាក់ទៀត ACU នៅមិនទាន់បង្ហាញសមាសភាពនៅឡើយទេ។ តាមការចុះផ្សាយពី Fresh News បានឱ្យដឹងថា ដោយឡែកតាមព័ត៌មានក្រៅផ្លូវការអាចនឹងមានការកោះហៅលោកស្រី ធីតា ឃឹះ ប្រធានអង្គការ សីលការ និងលោក ស៊ឺន សាលី មន្រ្តីអង្គការសិទ្ធិមនុស្ស UN មកសាកសួរផងដែរ៕

សម្ដេច​តេជោ ហ៊ុន សែន អនុញ្ញា​តឲ្យឯក​អគ្គ​រដ្ឋ​ទូត​សឹង្ហបុរី ចូលជួប​សម្ដែង​ការគួរសម និង​ជម្រាបលា

សម្ដេចតេជោ ហ៊ុន សែន នាយក​រដ្ឋម​ន្រ្ដី ​នៃព្រះរា​ជាណាចក្រ​កម្ពុជា​ បាន​អនុញ្ញាត​ឲ្យ ឯកឧត្ដមខេវីន ជក់ (Kevin Cheok) ឯកអគ្គ​រដ្ឋទូត​សឹង្ហបុរី ចូលជួប​សម្ដែង និង​ជម្រាបលានៅ​​គ្រា​ដែលឯកឧត្ដមបាន​បញ្ចប់​បេសកកម្មការ​ទូតនៅ​កម្ពុជា នាវិមាន​​សន្ដិ​ភាព​​ទីស្ដី​នា​យករដ្ឋ​មន្រ្ដី ព្រឹកថ្ងៃទី២៥ ខែមេសានេះ។

ជំនួ​យ​​ការផ្ទាល់​របស់​សម្ដេច​តេជោ ឯកឧត្ដម អ៊ាង សុផល្លែត បាន​អ្នកសារ​ព័ត៌មាន បន្ទាប់​ពីជំនួប​​បាន​បញ្ចប់ ថា ​ឯកឧត្ដម ​ខេវីន ជក់ បានគោរព​ជម្រាបជូនស​ម្ដេចតេជោ​នាយក​រដ្ឋមន្រ្ដី​ថា ឯក​ឧត្ដម​មាន​ការ​មិនស​ប្បា​យរី​ក​រាយ​​នោះទេ នៅក្នុង​ពេលដែលបេស​ក​កម្ម​របស់​ឯកឧត្ដម​បាន​បញ្ចប់ តែ​ទោះជា​យ៉ា​ង​​ណាក៏​​ដោយ ឯក​ឧត្ដម​​បានគោរព​ថ្លែងអំណរគុណ​យ៉ាងជ្រាល​ជ្រៅទីបំផុត ដល់​សម្ដេច​តេ​ជោនាយក​​រ​ដ្ឋមន្រ្ដី ដែលតែ​ងតែ​​គាំ​ទ្រ​​ឯក​ឧត្ដ​ម និង​ជួយ​ឯកឧត្ដម ឲ្យទទួល​បានជោគ​ជ័យ​​ក្នុងការ បំពេ​ញ​បេស​ក​កម្ម​កា​រ​​ទូត​នៅ​ព្រះ​រាជា​​ណាច​ក្រ​​ក​​ម្ពុជា។ ក្នុង​នោះ​​ដែរ​ឯកឧត្ដម ក៏បានថ្លែង​អំណរគុណដល់​សហការី​របស់​សម្ដេច​តេជោ ដែល​បាន​​ស​ហការ​គាំ​ទ្រ និងជួយ​ដល់បេសក​កម្មរ​បស់ឯ​កឧត្ដម រួមទាំង​ស្ថានទូត​សឹង្ហបុរី អោយ​ទទួល​បានជោគ​​ជ័យ​ក្នុង​អា​ណ​ត្ដិ​​របស់​​ឯកឧត្ដម។

ឯកឧត្ដម ខេវីន ជក់ ក៏បាន​សម្ដែង​ការគោរព​ដោយ​ស្មោះស័្មគ្រ ជូនចំពោះ​​សម្ដេច​​តេជោ ​ហ៊ុន​ សែន ដែល​​មាន​​សណ្ដាន​ចិត្ដល្អ ក្នុងការ​ជួយគាំទ្រ​ គ្រប់បែប​យ៉ាង ព្រមទាំងផ្ដល់​អនុ​សាសន៍​ល្អៗ ក្នុង​ការ​ជំរុញការ​​អភិ​វ​ឌ្ឍ​ន៍​នៅ​កម្ពុជា ហើយឯកឧត្ដម​បានយល់​​ឃើញថា នៅក្នុង​អាណត្ដិការ​ទូតរ​បស់​​ឯក​ឧត្ដម​​នៅកម្ពុជា គឺប្រទេ​ស​​កម្ពុជា មានការ​អភិវឌ្ឍន៍ទាំង​នៅទីក្រុង និង​ជនបទ។
ទាក់ទង​នឹងទំនាក់​ទំនងរវាង​ប្រទេសទាំ​ងពី​​រ​វិញ ឯកឧត្ដម ខេវីន ជក់ បានមាន​ប្រសាសន៍ ថា ទំនាក់​​ទំ​ន​​ង​រវាងប្រ​ទេស​​សឹង្ហ​បុរី និងប្រទេស​កម្ពុជា មានការ​រីកចំរើន​​ច្រើន ហើយ​ឯកឧត្ដមបាន​អរ​គុណ​ចំពោះ​ស​ម្ដេច​​តេជោ ដែ​លបាន​អញ្ជើញ​ទៅបំពេញ​ទស្សន​កិច្ចនៅ​​សឹង្ហ​បុរី​​ចំនួនពីរលើកក្នុងមួយឆ្នាំ។ ទីមួយ​ចូល​រួម​​គោរ​ពវិញ្ញា​ណ​​​ស​ពឯក​ឧត្ដម លី ក្វាន់យ៉ូ និងទីពីរ គឺចូលរួម​បុណ្យ​​ឯករាជ្យជាតិ​របស់សឹង្ហបុរី ។
ពាក់ព័ន្ធ​នឹង​បញ្ហា​សេដ្ឋកិច្ច និងធនធាន​មនុស្ស​វិញ ឯកឧត្ដម ខេវីន ជក់ បានជម្រាប​ជូន​សម្ដេចតេជោ ថា​ប្រទេសសឹ​ង្ហបុរីជាប់​ចំណាត់​ថ្នាក់​លេខ៩ ក្នុងការ​វិនិយោគ​នៅ​កម្ពុជា។ ដោយ​ឡែកសឹង្ហបុរី ក៏មាន​​មជ្ឈ​មណ្ឌល​បណ្ដុះប​ណ្ដាល​ធនធាន​មនុស្ស​នៅកម្ពុជា ដែល​ធ្វើការ​បណ្ដុះបណ្ដាល​ផ្នែក​ព័ត៌មាន​វិជ្ជ​មា​ន​, ពាណិជ្ជកម្ម, និងផ្នែក​ផ្សេងៗ​ទៀត ហើយ​រហូត​មកដល់​ពេលនេះ មជ្ឈ​មណ្ឌល​នេះបាន​ហ្វឹក​ហាត់​​សិ​ស្ស-​និស្សិត បានប្រមាណ​ជា១ម៉ឺន២​ពាន់​នាក់ ហើយកំពុង​តែពិចារ​ណា ដើម្បីពង្រីក​មជ្ឈ​មណ្ឌល​​នេះ​​បន្ដ​ទៀត សម្រាប់​គ្រប​ដណ្ដប់លើមុខ​វិជ្ជាផ្សេង​ៗ​ទៀត ក្នុងការជួយ​ដល់យុវជនកម្ពុជា។

ជាការឆ្លើយ​តប​​សម្ដេច​តេជោ ហ៊ុន សែន នាយករដ្ឋមន្រ្ដី បានមាន​ប្រសាសន៍​ថា សម្ដេច​​មាន​មោ​ទ​ភាពណាស់ ដែលបាន​ធ្វើជាដៃ​គូ​ជាមួយ​រដ្ឋាភិបាល និងប្រជាជន​សឹង្ហបុរី។ សម្ដេចតេជោ​បាន​​ប​ញ្ជា​ក់​ផងដែរ​ថា នៅឆ្នាំ​២០០០ ប្រទេស​សឹង្ហបុរី បានធ្វើកា​រផ្ដួច​ផ្ដើម​ធ្វើឲ្យ​មាន​សមា​ហរ​កម្ម​​អាស៊ាន  ដែល​ក្នុង​នោះ សឹង្ហបុរីបាន​ដើរតួនាទី​យ៉ាង​សំខាន់ នៅក្នុងការ​អភិវឌ្ឍន៍​ធន​ធាន​មនុស្ស​ក្នុង​តំបន់​អាស៊ាន។ ក្នុង​ន័​យ​​នេះ​សម្ដេច​តេជោ​ស្នើឲ្យ​សឹង្ហបុរី បន្ដដើរ​តួជាអ្នក​ជួយ​ជំរុញ នៅក្នុង​ការបណ្ដុះ​បណ្ដាល​ធ​នធាន​​ម​នុ​ស្ស​​នៅ​ក្នុង​តំបន់​អាស៊ានទាំង​មូល​បន្ដទៀត។

ជាទីបញ្ចប់​សម្ដេច​តេជោ ហ៊ុន សែន បានថ្លែង​អំរគុណ​​ដល់​ឯក​ឧត្ដ​ម ​ខេវីន ជក់ ដែលបាន​មើលឃើញ​ពីការ​រីកចំរើន​របស់ប្រទេស​កម្ពុជា ហើយ​ក៏​បាន​ជូន​ពរ​​ឯក​ឧត្ដម ឲ្យទទួល​បាន​​ជោគជ័យ​ក្នុង​បេសក​កម្មប​ន្ដ​ទៀត៕​

សម្តេច​តេជោអះ​អាង​ថានឹង​មិនមាន​ការអត់​ឱន​អោយ​អ្នក​បង្ខូច​កិត្តិ​យសគណ​បក្ស​ប្រជាជន​ឡើយ

យោងតាមទំព័រ Facebook ផ្លូវការ​របស់​សម្តេច​តេជោ ហ៊ុន សែន ដែលមាន​ឈ្មោះ​ថា Samdech Hun Sen Cambodian Prime Minister បង្ហោះផ្សាយ​នៅព្រឹកថ្ងៃទី ២៥ ខែមេសា ឆ្នាំ​២០១៦​នេះ បានឱ្យដឹងថា សម្តេច​តេជោ នឹងមិន​មានការ​អត់ឱន សម្រាប់​អ្នកណាក៏ដោយ ដែលធ្វើការ​មួលបង្កាច់ បង្ខូចកិត្តិយស​គណបក្ស​ប្រជាជន​កម្ពុជា។

សម្តេច​តេជោ នាយក​រដ្ឋមន្ត្រី បានបន្ថែមថា «យើងគោរព​សិទ្ឋិបញ្ចេញ​មតិ ប៉ុន្តែយើងប្រឆាំង​ដាច់ខាត​ចំពោះអ្នក​ដែលមូល​បង្កាច់បង្ខូច​កិត្តិយស និងសេចក្តី​ថ្លៃថ្នូរ​ចំពោះគណបក្ស​ប្រជាជន ហើយ​សិទ្ឋិ​បញ្ចេញ​មតិ និងការមួល​បង្កាច់​មានចរិត ខុសគ្នា ដូចមេឃ និងដី។ សិទ្ធរបស់ អ្នកមាន ព្រំប្រទល់ ជាមួយ និងសិទ្ឋិអ្នក ដ៏ទៃ។ គណ បក្ស ប្រជាជន ចាំបាច់ត្រូវ រក្សានូវសិទ្ឋិ របស់ខ្លួន ដើម្បីការ ពារ កិត្តិយស និងសេចក្តី ថ្លៃថ្នូរក្នុងនាម បក្សដឹកនាំ រាជរដ្ឋា ភិបាល។

សម្តេចតេជោ ហ៊ុន សែន ក៏បានអំពាវ នាវចំពោះ អ្នកវិភាគ អ្នកអត្ថា ធិប្បាយ កុំព្យាយាម ក្លែងបន្លំ ពណ៌ក្រហម និងពណ៌ ផ្កាឈូក ថាវា ដូចគ្នា។ អស់ លោកមាន សិទ្ឋិ សូម កុំភ្លេច ថា យើងខ្ញុំក៏ មានសិទ្ឋិ ដូចអស់ លោកដែរ។ សម្តេចក៏បាន អំពាវនាវ ដល់សមាជិក សមាជិការ គណបក្ស ប្រជាជន កម្ពុជា និងថ្នាក់ដឹក នាំគ្រប់ ជាន់ថ្នាក់ រៀបចំមេធាវី ដើម្បីត្រៀម ប្តឹងទៅកាន់ តុលាការ ក្នុងករណី មានការ មួលបង្កាច់ រំលោភ សិទ្ឋិគណបក្ស ប្រជាជន កម្ពុជា ដោយជន ណាក៏ដោយ។

សម្តេច​តេជោបាន​បន្តថា កន្លងមក​យើងបាន​អត់ឱនចំពោះ​ជនខិលខូច​ទាំងនេះ ច្រើនណាស់រួច​មកហើយ ប៉ុន្តែពួកគេមិន​បានគិត​ដល់សេចក្តីថ្លៃ​ថ្នូររបស់យើ​ងឡើយ​។ ការអត់ឱន​ពិតជា​មានព្រំដែន ដែលបង្ខំ​អោយយើង​ចាប់ផ្តើមធ្វើ​សកម្មភាព​ផ្លូវច្បាប់ប្រឆាំងជន​ទាំងឡាយ​ ណាដែលនៅតែ​បន្តការមួល​បង្កាច់បង្ខូច​កិត្តិយស​សេចក្តី​ថ្លៃថ្នូរ គណបក្ស​ប្រជាជន​កម្ពុជា។ ពេលនេះ​យើងកំពុង​រៀប​ចំពាក្យ​ប្តឹងចំពោះ​បុគ្គល ដែលបាននិងកំពុង​បំផ្លាញ​កិត្តិយស និងសេចក្តីថ្លៃថ្នូរ​របស់គណបក្ស​ប្រជាជនកម្ពុជា៕