រដ្ឋមន្ត្រី​ការបរទេស​ ឥណ្ឌូនេស៊ី​ នឹងអញ្ជើញ​មកបំពេញ​ទស្សនកិច្ច​ នៅព្រះរាជា​ណាចក្រ​កម្ពុជា​រយៈពេលពីរថ្ងៃ

យោងតាម​សេចក្តីជូនព័ត៌​មាន​របស់ ​ក្រសួង​ការបរ​ទេស ​និង​សហ​ប្រតិបត្តិការ​អន្តរជាតិ​នៃ​ព្រះរាជា​ណាចក្រ​កម្ពុជា ​ដែលចេញ​ផ្សាយ​នៅថ្ងៃទី ​៣០​ ខែមីនា ​ឆ្នាំ ២០១៥​នេះ ​បាន​បញ្ជាក់ថា​លោក​ ជំទាវ​ រីតណូ ​ម៉ាស៊ូឌី ​(Retno L.P. Marsudi)​ រដ្ឋមន្ត្រី​ការបរទេស​ថ្មី​នៃ​សាធារណ​រដ្ឋ​ឥណ្ឌូនេស៊ី ​នឹង​អញ្ជើញ​មកបំពេញ​ទស្សនកិច្ចបង្ហាញខ្លួន ​នៅ​ព្រះរាជា​ណាចក្រ​កម្ពុជា​ ចាប់ពីថ្ងៃទី ​៣១​ ខែមីនា ​ដល់ថ្ងៃទី ​០១​ ខែមេសា ​ឆ្នាំ ២០១៥​។

តាមការ​គ្រោងទុក ​លោកជំទាវ ​រីតណូ​ ម៉ាស៊ូឌី​ (Retno L.P. Marsudi) ​នឹងជួប​ពិភាក្សា​ទ្វេភាគី​ជាមួយ ​ឯកឧត្តម​ឧបនាយក​រដ្ឋ​មន្ត្រី ​ហោ ​ណាំហុង​ រដ្ឋមន្ត្រី​ការបរ​ទេស ​និង​សហប្រតិបត្តិការ​អន្តរជាតិ៕

អត្ថបទ៖ ច័ន្ទ ទេវី