សាខាកាកបាទក្រហមកម្ពុជា ចុះសួរសុខទុក្ខ និងចែកអំណោយមនុស្សធម៌ដល់ប្រជាពលរដ្ឋរងគ្រោះ ដោយសារខ្យល់កន្ត្រាក់

ស្វាយរៀង៖ នៅថ្ងៃទី ១៨  ខែ សីហា ឆ្នាំ ២០២១ ក្រុមការងារសាខាកាកបាទក្រហមកម្ពុជាខេត្តស្វាយរៀង ដឹកនាំដោយលោកស្រី ដួង វណ្ណា ប្រធានកិត្តិយសសាខា រួមដំណើរដោយលោកស្រី ពៅ សុភាព ហេរញ្ញិកគណៈកម្មាធិការសាខា និងសហការី   បានចុះសួរសុខទុក្ខ  និងនាំយកអំណោយមនុស្សធម៌ យកទៅជួយសម្រាលការលំបាកដល់ប្រជាពលរដ្ឋរងគ្រោះ ដោយសារខ្យល់កន្ត្រាក់កាលពីថ្ងៃទីយប់ ថ្ងៃទី ១៧ ខែ សីហា ឆ្នាំ ២០២១ បណ្ដាលខូចខាតផ្ទះប្រជាពលរដ្ឋចំនួន ១ គ្រួសារ មានទំហំ បណ្ដោយ ៧ ម ទទឹង ៦ ម (ខូចខាតទាំងស្រុងរួមនឹងសម្ភារប្រើប្រាស់) របស់ឈ្មោះ  សំ  ឈួត ភេទ ប្រុស អាយុ ៩៥ ឆ្នាំ នៅភូមិតាណែង ឃុំសង្កែ ស្រុករំដួល។

អំណោយចែកជូនរួមមាន៖ អង្ករ ៣០ គ.ក្រ ក្រណាត់កៅស៊ូតង់ ១ ធុងទឹកជ័រ ១ ឆ្នាំងបាយសម្លរ ២ មី ១ កេស ត្រីខកំប៉ុង ១០ កំប៉ុង ទឹកស៊ីអ៊ីវ ៦ ដប កន្ទេលជ័របត់ ១ ឃីត ១ កញ្ចប់(ភួយ,មុង,សារុង,ក្រមា) ម៉ាស់ ១ ប្រអប់ និងថវិកាចំនួន ២០០,០០០ រៀល ៕