អភិបាលរងខេត្តកំពង់ឆ្នាំង ចុះត្រួតពិនិត្យការរៀបចំមណ្ឌលចត្តាឡីស័កបន្ថែម សម្រាប់ទទួលពលករមកពីក្រៅប្រទេស

កំពង់ឆ្នាំង៖ នៅថ្ងៃទី២១ ខែកក្កដា ឆ្នាំ២០២១ លោក អម សុភា និង លោក ស្រ៊ន សំឫទ្ធី អភិបាលរងខេត្ត រួមដំណើរដោយវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្ត លោកលៀង ជុំសុបិន្ត នាយករងរដ្ឋបាលខេត្ត ព្រមទាំងលោកលោកស្រីថ្នាក់ដឹកនាំមន្ទីពាក់ព័ន្ធ និង អាជ្ញាធរក្រុង បានចុះពិនិត្យមើលការរៀបចំមណ្ឌលចត្តាឡីស័កមួយបន្ថែមទៀតនៅវិទ្យាល័យក្រុងកំពង់ឆ្នាំង សម្រាប់ទទួលពលករមកពីក្រៅប្រទេស ។

អាជ្ញាធរខេត្ត បានរៀបចំមណ្ឌលចត្តាឡីស័កមួយបន្ថែមមួយទៀតនេះ នៅវិទ្យាល័យក្រុង កំពង់ឆ្នាំង សម្រាប់ត្រៀមលក្ខណៈទទួលពលករត្រឡប់មកពីក្រៅប្រទេស ហើយជាកន្លែង ដែលមានទីធ្លា ធំទូលាយប្រកបដោយផាសុកភាព៕