សមាជិកក្រុមប្រឹក្សាឃុំថ្នាធ្នង់ ស្រុករំដួល ខេត្តស្វាយរៀង ម្នាក់ទៀត ប្រកាសដើរចេញពី CNRP

សមាជិកក្រុមប្រឹក្សាឃុំថ្នាធ្នង់ ស្រុករំដួល ខេត្តស្វាយរៀងម្នាក់ទៀត ប្រកាសដើរចេញពី CNRP និងហៅមេដឹកនាំបក្សប្រឆាំង មិនដែលធ្វើឲ្យជាតិរីកចម្រើន មានតែញុះញង់ឲ្យបែកបាក់ តាមបញ្ជាបរទេស។

តាមលិខិតនៅល្ងាចថ្ងៃទី០៩ ខែវិច្ឆិកា ឆ្នាំ២០១៧នេះ សមាជិកក្រុមប្រឹក្សាកូតាគណបក្សសង្គ្រោះជាតិ គឺលោក ញាណ ឡន អាយុ៦២ឆ្នាំ ប្រកាសដើរចេញពីបក្ស ដែលខ្លួនធ្លាប់រស់នៅជាមួយយូរឆ្នាំមកហើយនោះ បានបញ្ជាក់ថា «គណបក្សសង្គ្រោះជាតិពុំដែលធ្វើឲ្យមានការរីកចម្រើនដល់ប្រទេសជាតិ គ្មានការរីកចម្រើនដល់សង្គមជាតិសោះ តែបានបំបែកបំបាក់ប្រជាពលរដ្ឋ និងប្រជាពលរដ្ឋ គ្មានការអភិវឌ្ឍន៍ប្រទេសឲ្យមានការរីកចម្រើនដោះ ដោយមើលឃើញមេដឹកនាំ គណបក្សសង្គ្រោះជាតិជាជនក្បត់ជាតិ»។

សូមជម្រាបថា ព្រឹកថ្ងៃទី០៤ ខែវិច្ឆិកា ឆ្នាំ២០១៧ លោកនាយករដ្ឋមន្រ្តី ហ៊ុន សែន និងជាប្រធានគណបក្សប្រជាជនកម្ពុជា បានប្រកាសអំពាវនាវតាមរយៈ វិដេអូចំនួន២៦នាទី នៅលើបណ្តាញទំនាក់ទំនង Facebook របស់លោកដោយមានប្រសាសន៍ អំពីការផ្តល់ឱកាសដល់បងប្អូនសមាជិក គណបក្សសង្គ្រោះជាតិ បានបន្តអាជីពនយោបាយជាមួយ គណបក្សប្រជាជនកម្ពុជា ក្រោយពេលដែលគណបក្សសង្រ្គោះជាតិ ត្រូវបានកាត់រំលាយដោយតុលាការកំពូលនៅគឺថ្ងៃទី១៦ ខែវិច្ឆិកា ឆ្នាំ២០១៧ខាងមុខនេះ៕