ក្រសួងកិច្ចការនារី បើកសិក្ខាសាលាស្តីពីការបញ្ជ្រាបយេនឌ័រ នៅខេត្តសៀមរាប

សៀមរាប៖ នៅថ្ងៃទី២៥ ខែកញ្ញា ឆ្នាំ២០១៧នេះ លោកស្រី អ៊ឹង កន្ថាផាវី រដ្ឋមន្រ្តីក្រសួងកិច្ចការនារី បានអញ្ជើញជាអធិបតីភាព ក្នុងពិធីបើកសិក្ខាសាលា ស្តីពីការបញ្ជ្រាបយេនឌ័រ នៅសណ្ឋាគារសោម៉ាទេវី ខេត្តសៀមរាប។

សិក្ខាសាលានេះ បានប្រព្រឹត្តទៅក្រោមប្រធានបទ « ការបញ្ជ្រាបយេនឌ័រ ជារបៀបវារៈទៀងទាត់ នៃការអភិវឌ្ឍក្នុងគម្រោងវិនិយោគលើការប្រែប្រួលអាកាសធាតុ និងការបញ្ជ្រាបភាពធន់ ទៅនឹងអាកាសធាតុនៅក្នុងផែនការអភិវឌ្ឍន៍គម្រោងTA8179 កញ្ចប់ C »។

សិក្ខាសាលានេះ ក៏មានការចូលរួមពីសំណាក់ លោកស្រី យូ សុភា អភិបាលរងខេត្តសៀមរាប តំណាងលោក ឃឹម ប៊ុនសុង អភិបាលខេត្តសៀមរាប និងបណ្តាខេត្តមួយចំនួនទៀតរួមមាន ខេត្តកំពត កំពង់ធំ បាត់ដំបង និងខេត្តព្រៃវែង សរុបចំនួនចូលរួម ១០១នាក់៕