ក្រសួងសង្គមកិច្ច ច្រានចោលនិងថ្កោលទោសចំពោះសម្តីមួលបង្កាច់របស់លោក ភីល រ៉ូប៊ឺតសុននៅក្នុងបទសម្ភាសន៍ជាមួយសារព័ត៌មាន VOD

នៅថ្ងៃទី០៣ ខែសីហា ឆ្នាំ២០១៧ អ្នកនាំពាក្យក្រសួងសង្គមកិច្ច អតីតយុទ្ធជន និងយុវនីតិសម្បទា បានចេញសេចក្តីប្រកាសព័ត៌មាន ច្រានចោល និងថ្កោលទោសចំពោះការផ្តល់បទសម្ភាសន៍របស់លោក ភីល រ៉ូប៊ឺតសុន ដែលបានផ្តល់បទសម្ភាសន៍ជាមួយសារព័ត៌មាន VOD កាលពីថ្ងៃទី០២ ខែសីហា ឆ្នាំ២០១៧ ដែលបានចោទប្រកាន់មកលើថ្នាក់ដឹកនាំក្រសួងសង្គមកិច្ច។

ការបញ្ចេញទស្សនៈបែបនេះ គឺជាការញុះញង់មានលក្ខណៈជាប្រព័ន្ធ បង្កអសន្តិសុខ អស្ថិរភាពសង្គម និងជ្រៀតជ្រែកកិច្ចការផ្ទៃក្នុងរដ្ឋអធិបតេយ្យរបស់ប្រទេសកម្ពុជាផ្ទុយពីការពិតដែលមិនអាចទទួលយកបាន។