មន្ទីរបរិស្ថានខេត្តសៀមរាប បើកសិក្ខាសាលាបណ្ដុះបណ្ដាល ពង្រឹងសមត្ថភាពលើការគ្រប់គ្រងសំណល់ប្លាស្ទិក

នៅថ្ងៃទី២៣ ខែសីហា ២០១៧ នៅមន្ទីរបរិស្ថានខេត្តសៀមរាប បានបើកសិក្ខាសាលាបណ្ដុះបណ្ដាល ពង្រឹងសមត្ថភាពលើការគ្រប់គ្រង សំណល់ប្លាស្ទិក ក្រោមអធិបតីភាព លោកស្រី ងិន លីណា អគ្គនាយិកាចំណេះដឹង និងព័ត៌មានបរិស្ថាន នៃក្រសួងបរិស្ថាន និងលោក ពិន ប្រាកដ អភិបាលរងខេត្ត តំណាង លោក ឃឹម ប៊ុនសុង អភិបាលខេត្តសៀមរាប ដោយមានការអញ្ជើញចូលរួមពីមន្ទីរពាក់ព័ន្ធសរុប ៦០ នាក់ ។
សិក្ខាសាលានេះ មានគោលបំណង ពង្រឹងនូវសមត្ថភាពដល់សិក្ខាកាម ឲ្យមានជំនាញលើការគ្រប់គ្រងសំណល់រឹង សំរាម ជាពិសេសការអនុវត្តតាមគោលការណ៍ ៣R ក្នុងការប្រើប្រាស់ធនធានធម្មជាតិប្រកបដោយនិរន្ដភាព ពិសេសធានាបាននូវកិច្ចគាំពារបរិស្ថាន ការអភិរក្សធនធានធម្មជាតិ ជីវៈចម្រុះ និងការរស់នៅប្រកបដោយចីរភាព៕