លោកនាយករដ្ឋមន្រ្តី ហ៊ុន សែន បានបញ្ជាក់នៅក្នុងទំព័រហ្វេសប៊ុករបស់លោក នៅថ្ងៃទី០២ ខែមិថុនា ឆ្នាំ២០១៧នេះ ថា«យើងជឿទុកចិត្ត និងបោះឆ្នោតឱ្យតែគណបក្សប្រជាជនកម្ពុជាតែមួយគត់!»។
ខ្លឹមសារនៅក្នុងហ្វេសប៊ុករបស់លោក ហ៊ុន សែន បានបញ្ជាក់ថា «សូមអរគុណបងប្អូនប្រជាពលរដ្ឋ អ្នកគាំទ្រ និងសមាជិកសមាជិការគណបក្សប្រជាជនទូទាំងប្រទេស ដែលបានចូលរួមដង្ហែគណបក្សប្រជាជនកម្ពុជាដ៏អធិកអធមអស្ចារ្យបំផុតនៅព្រឹកមិញនេះ ទាំងនៅក្នុង រាជធានីភ្នំពេញ និងនៅតាមបណ្តាភូមិ ឃុំ ស្រុក ខេត្តទូទាំងប្រទេស។
មានបងប្អូនអ្នកគាំទ្រ និងសមាជិកសមាជិកាបក្សជាង ២៥ម៉ឺននាក់ដែលបានមកចូលរួមដង្ហែគណបក្សប្រជាជនកម្ពុជានៅរាជធានីភ្នំពេញកាលពីព្រឹកមិញ។ សូមអធ្យាស្រ័យផងដែរ ចំពោះបងប្អូនដែលចង់ មកចូលរួមដង្ហែបក្សនៅទីក្រុងភ្នំពេញ ព្រោះដោយសារទីកន្លែងតូចចង្អៀតដាក់មិនអស់ ប៉ុន្តែទោះបីមិន បានចូល រួមពិតមែនតែបងប្អូននៅតែគាំទ្រ និងបោះឆ្នោតឱ្យគណបក្សប្រជាជនជានិច្ចគឺបោះឆ្នោត ឱ្យ តកូន តត្រកូល។
ការចូលរួមពីបងប្អូនយ៉ាងច្រើនកុះករព្រឹកមិញនេះ គឺបានបង្ហាញឱ្យឃើញពីការគាំទ្រពេញទំហឹង មកលើគណបក្សប្រជាជន ហើយក៏បានបង្ហាញអោយអន្តរជាតិបានឃើញកាន់តែច្បាស់អំពីការគាំទ្រឥតងាករេរបស់ប្រជាជនជាងមួយចំហៀងប្រទេសមកលើគណបក្សប្រជាជនកម្ពុជាយើង»។
នៅថ្ងៃអាទិត្យទី ៤ មិថុនា ខាងមុខនេះ យើងទាំងអស់គ្នា ទៅបោះឆ្នោតឱ្យបេក្ខជនឈរឈ្មោះគណបក្សប្រជាជនយើងទាំងអស់គ្នាកុំបីខាន!
No comments:
Post a Comment