សារលិខិតថ្វាយ​ព្រះពរ របស់ សម្តេចតេជោ ហ៊ុន សែន ថ្វាយសម្តេចព្រះមហាក្សត្រី ព្រះវររាជមាតាជាតិខ្មែរ ក្នុងឱកាសប្រារព្វខួបលើកទី១០៩ ទិវាអន្តរជាតិនារី ៨មីនា ឆ្នាំ២០២០

សារលិខិតថ្វាយព្រះពរ របស់ ឯកឧត្តមកិត្តិនីតិកោសលបណ្ឌិត ប៊ិន ឈិន ថ្វាយ សម្តេចព្រះមហាក្សត្រី ព្រះវររាជមាតាជាតិខ្មែរ ក្នុងឱកាសប្រារព្វខួបលើកទី១០៩ ទិវាអន្តរជាតិនារី ៨មីនា ឆ្នាំ២០២០

សារលិខិតជូនពរ របស់ សម្តេចតេជោ ហ៊ុន សែន ជូន លោកជំទាវ អ៊ូ សាន សាយ ឈុំ ក្នុងឱកាសប្រារព្វខួបលើកទី១០៩ ទិវាអន្តរជាតិនារី ៨មីនា ឆ្នាំ២០២០

សារលិខិតជូនពរ របស់ ឯកឧត្តមកិត្តិនីតិកោសលបណ្ឌិត ប៊ិន ឈិន ជូនលោកជំទាវ អ៊ូ សាន សាយ ឈុំ ក្នុងឱកាសប្រារព្វខួបលើកទី១០៩ ទិវាអន្តរជាតិនារី ៨មីនា ឆ្នាំ២០២០

សារលិខិតជូនពរ របស់ សម្តេចតេជោ ហ៊ុន សែន ជូន សម្តេច ធម្មវិសុទ្ធវង្សា សៅ ទី ហេង សំរិន ក្នុងឱកាសប្រារព្វខួបលើកទី១០៩ ទិវាអន្តរជាតិនារី ៨មីនា ឆ្នាំ២០២០

សារលិខិតជូនពរ របស់ ឯកឧត្តមកិត្តិនីតិកោសលបណ្ឌិត ប៊ិន ឈិន ជូន សម្តេច ធម្មវិសុទ្ធវង្សា សៅ ទី ហេង សំរិន ក្នុងឱកាសប្រារព្វខួបលើកទី១០៩ ទិវាអន្តរជាតិនារី ៨មីនា ឆ្នាំ២០២០

សារលិខិតជូនពរ របស់ ឯកឧត្តមកិត្តិនីតិកោសលបណ្ឌិត ប៊ិន ឈិន ជូន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ក្នុងឱកាសប្រារព្វខួបលើកទី១០៩ ទិវាអន្តរជាតិនារី ៨មីនា ឆ្នាំ២០២០

ឧត្តមសេនីយ៍ឯក ហ៊ុន ម៉ាណែត ដាក់ចេញគោលដៅធំ២ ដើម្បីកសាងផែនការឈានទៅពង្រឹងកិច្ចការពារជាតិឱ្យកាន់តែរឹងមាំ និងគង់វង្ស

សៀមរាប៖ នៅថ្ងៃទី០៤ ខែមីនា ឆ្នាំ២០២០ នៅបញ្ជាការដ្ឋានយោធភូមិភាគទី៤ កងទ័ពជើងគោក ខេត្តសៀមរាប បានប្រារព្ធអង្គប្រជុំបូកសរុបលទ្ធផលការងារយោធាសន្តិសុខ ឆ្នាំ២០១៩ និងផ្សព្វផ្សាយផែនការទិសដៅបន្តឆ្នាំ២០២០ របស់យោធភូមិភាគទី៤ ស្ថិតក្រោមអធិបតីភាព ឧត្តមសេនីយ៏ឯក ហ៊ុន ម៉ាណែត អគ្គមេបញ្ជាការរង នៃខ.ភ.ម និងជាមេបញ្ជាការកងទ័ពជើងគោក ព្រមទាំងមានការអញ្ជើញចូលរួមពីសំណាក់ លោក សៀង ណាំ អ្នកតំណាងរាស្ត្រមណ្ឌលខេត្តសៀមរាប លោក នាយឧត្តមសេនីយ៏ គីម ប៊ុនថាន អគ្គមេបញ្ជាការរង នៃខ.ភ.ម។

នៅក្នុងសុន្ទរកថាស្វាគមន៏ និងរបាយកាណ៍របស់យោធភូមិភាគទី៤ បានបង្ហាញពីការខិតខំប្រឹងប្រែងដឹកនាំបញ្ជារបស់មេបញ្ជាការគ្រប់លំដាប់ថ្នាក់ និងការចូលរួមពីនាយទាហាន នាយទាហានរង និងពលទាហាន គ្រប់កងឯកភាពចំណុះយោធភូមិភាគទី៤ ក្នុងពង្រឹងប្រៀបការពារជាតិ និងចូលរួមចំណែកជាមួយរាជរដ្ឋាភិបាល ក្នុងការកសាង និងអភិវឌ្ឍប្រទេស។ ទន្ទឹមនឹងនេះដែរ យោធភូមិភាគទី៤ កងទ័ពជើងគោក ក្នុងឆ្នាំ២០១៩ កន្លងទៅ បានបំពេញភារកិច្ចរបស់ខ្លួន ដោយអនុវត្តន៏តាមបទបញ្ជារបស់មេបញ្ជាការកងទ័ពជើងគោក។ ក្រោមការដឹកនាំបញ្ជារបស់ មេបញ្ជាការយោធភូមិភាគទី៤ គ្រប់បណ្តាអង្គភាពចំណុះយោធភូមិភាគទី ៤ បានយកចិត្តទុកដា់ក់ពង្រឹងប្រៀបការពារជាតិ ការពារបូរណៈភាពទឹកដី ក្នុងភូមិសាស្ត្រ និងខ្សែរបន្ទាត់ព្រំដែន ដែលយោធភូមិភាគទទួលខុសត្រូវ ដោយបានរក្សាទំនាក់ទំនងល្អជាមួយប្រទេសជាមិត្ត និងខិតខំដោះស្រាយបញ្ហាប្រឈម ដោយសន្តិវិធី ព្រមទាំងបានខិតខំកែទំរង់ការហ្វឹកហ្វឺន បង្កើនសមត្ថភាពកងទ័ព រៀនសូត្រអប់រំចិត្តសាស្ត្រ បំប៉នមុខជំនាញជាប្រចាំ និងបានយកចិត្តទុកដាក់លើការងារសាងសង់ជំរំជំរកស្នាក់នៅអោយកងទ័ព និងចូលរួមសហការការពារសន្តិសុខ សុវត្ថភាព សណ្តាប់ធ្នាប់សង្គមជូនប្រជាពលរដ្ឋ។

ជាកិច្ចចូលរួមក្នុងកំណែរទំរង់ស៊ីជម្រៅ របស់រាជរដ្ឋាភិបាល កសាងអង្គភាពរឹងមាំលើគ្រប់វិស័យ ដើម្បីពង្រឹងប្រៀបការពារជាតិ សហការណ៏ជាមួយសមត្ថកិច្ច អាជ្ញាធរដែនដី ដើម្បីអនុវត្តភូមិ ឃុំមានសុវត្ថិភាព ហ្វឹកហ្វឺនបំប៉នសមត្ថភាពកងទ័ពជាប្រចាំ ធានាគ្រប់គ្រងជូសជុលគ្រឿងបរិក្ខា ធានាបាននូវសុវត្ថិភាព និងរក្សាសាមគ្គីភាពផ្ទៃក្នុងល្អជានិច្ច ការពារ គោរពរដ្ឋធម្មនុញ្ញ ការពារជាតិ សាសនា ព្រះមហាក្សត្រ ការពាររាជរដ្ឋាភិបាលស្របច្បាប់ ការពារសន្តិភាព ខិតខំពង្រឹងកសាងប្រៀបការពារជាតិ និងការពារបូរណភាពទឹកដី គ្រប់កងឯកភាពនិងកម្លាំងជំនាញបានសហការជិតស្និទ ជាមួយកម្លាំងបណ្តាប្រទេសជាប់ព្រំដែន ក្នុងការចូលរួមទប់ស្កាត់អោយបាននូវការឆ្លងដែនខុសច្បាប់ អំពើភេរវកម្ម ការជួញដូរគ្រឿងញឿនឆ្លងដែន និងបទល្មើសផ្សេងៗទៀត ដើម្បីបង្កគ្រប់លក្ខណៈដល់ការប្រកបមុខរបររកស៊ី ជូនប្រជាពលរដ្ឋនៅតាមបណ្តោយព្រំដែន ប្រកបដោយសុខដុមរមនា និងបានចូលរួមអភិវឌ្ឍន៏ប្រទេសជាតិ សម្រេចបានលទ្ធផលគួរអោយកត់សំគាល់ ទោះបីជួបការលំបាកខ្លះៗក៏ដោយ។ របាយការណ៏ក៏បានបញ្ជាក់ពីភារកិច្ច ទិសដៅត្រូវអនុវត្តន៏បន្តឆ្នាំ២០២០ ដែលត្រូវអនុវត្តន៏សម្រាប់បន្តផងដែរ។ អង្គប្រជុំក៏បានផ្តល់ការចូលរួមមតិពិភាក្សាលើកឡើង នូវបទពីសោធន៏នៃការបំពេញភារកិច្ចកន្លងមក ព្រមទាំងបានផ្តល់នូវអនុសាសន៏ថ្មីៗ សម្រាប់បន្តសម្រេចភារកិច្ច ឆ្នាំ២០២០ អោយអនុវត្តន៏ល្អបន្ថែមទៀត។

អញ្ជើញមានប្រសាសន៍បូកសរុបអង្គប្រជុំលទ្ធផលការងារយោធាសន្តិសុខ ឆ្នាំ២០១៩ និងផ្សព្វផ្សាយផែនការទិសដៅបន្តការងារឆ្នាំ២០២០ របស់យោធភូមិភាគទី៤ នាឱកាសនោះ លោក ហ៊ុន ម៉ាណែត បានថ្លែងកោតសរសើរ និងវាយតំលៃខ្ពស់ចំពោះកិច្ចខិតខំប្រឹងប្រែងពុះពារបំពេញភារកិច្ចក្នុងឆ្នាំ២០១៩ កន្លងមក ដែលនាយទាហាន នាយទាហាន និងពលទាហានគ្រប់កងឯកភាពចំណុះយោធភូមិភាគទី៤ ក៏ដូចជាបណ្ដាអង្គភាពចំណុះយោធភូមិភាគទី៤ ទាំងអស់ ដែលបានខិតខំបំពេញភារកិច្ច ក្នុងការការពារសុខ សន្តិភាព ស្ថេរភាព និងការចូលរួមចំណែក ក្នុងការជួយសង្គ្រោះប្រជាពលរដ្ឋ ក៏ដូចជាការពង្រឹង កសាងអង្គភាពលើគ្រប់វិស័យ សម្រេចបានប្រកបដោយភាពម្ចាស់ការ និងការទទួលខុសត្រូវខ្ពស់ និងបានថ្លែងអំណរគុណចំពោះការយកចិត្តទុក្ខដាក់ និងបង្កលក្ខណៈគ្រប់បែបយ៉ាងរបស់ក្រសួងការពារជាតិ អគ្គបញ្ជាការ នៃខ.ភ.ម អង្គភាពសម្ព័ន្ធមេត្រីភាព និងអជ្ញាធរដែនដីគ្រប់លំដាប់ថ្នាក់ និងគ្រប់ភាគីពាក់ព័ន្ធទាំងអស់ ដែលបានជួយឧបត្ថម្ភគាំទ្រគ្រប់បែបយ៉ាងជួយដល់កងយោធពលខេមរភូមិន្ទ ក៏ដូចជាអង្គភាពចំណុះយោធភូមិភាគទី៤ អោយអនុវត្តន៏បានជោគជ័យ ក្នុងការបំពេញភារកិច្ច តាមបទបញ្ចារបស់រាជរដ្ឋាភិបាល ក្នុងកិច្ចការការពារ សន្តិសុខ សុវត្ថិភាព ជូនប្រជាពលរដ្ឋ និងបានធ្វើកិច្ចសហប្រតិបត្តិការល្អ ជាមួយប្រទេសជាប់ព្រំដែនផងដែរ។ ក្រៅពីបានលើកឡើងនូវ សភាពការជាតិ និងអន្តរជាតិ ដែលមានការវិវត្តថ្មីៗ លោក ហ៊ុន ម៉ាណែត ក៏បានថ្លែងអំណរគុណដល់ នាយទាហាន នាយទហានរង និងពលទាហានយោធភូមិភាគទី៤ ដែលបានចូលរួមក្នុងការថែរក្សាសុខសន្តិភាព។
លោក បានផ្តល់គោលគំនិតរបស់កងទ័ពជើងគោកចំនួន២ ដោយផ្តោតទៅលើភារកិច្ចសំខាន់ៗ ដែលត្រូវបន្ត អនុវត្តរយៈពេលខ្លី និងរយៈពេលវែង ដែលក្នុងនោះរួមមាន៖ ការកសាង ហេដ្ឋារចនាសម្ព័ន្ធ គឺជាអ្វីដែលយើងមានបច្ចុប្បន្នយើងត្រូវគ្រប់គ្រងថែទាំ

អោយមានប្រសិទ្ធភាព នូវសំភារៈ គ្រឿងបំពាក់ប្រកបដោយប្រសិទ្ធភាព។ សម្រាប់រយៈពេលវែង គឺប្រភពទឹកប្រភពធនធានមនុស្ស និងប្រព័ន្ធការងារ គឺយើងត្រូវមានប្រព័ន្ធការងារមួយច្បាស់លាស់ ដើម្បីធានានូវចីរភាព និងប្រព័ន្ធការងារប្រកបដោយនិរន្តរភាព។ ក្នុងន័យនេះ លោក ហ៊ុន ម៉ាណែត បានស្នើរសុំដល់គ្រប់បណ្តាកងឯកភាព និងគ្រប់ជំនាញ ត្រូវមានការសហការ ត្រូវរៀបចំធ្វើផែនការ និងកសាងផែនការ ដើម្បីឈានទៅពង្រឹងប្រៀបការពារជាតិបានរឹងមាំ និងបានគង់វង្ស៕

« ពេលវេលាគឺជាអាវុធយុទ្ធសាស្ត្ររបស់លោក ហ៊ុន សែន! »

ការស្គាល់កាលៈទេសៈ និងដឹងថាពេលណាត្រូវធ្វើអ្វី គឺជាកត្តាកំណត់ជោគជ័យរបស់មេដឹកនាំដែលឈ្លាសវៃ។ លោក ហ៊ុន សែន គឺពិតជា មេដឹកនាំដែលតែងតែធ្វើកិច្ចការនេះជារៀងរហូត មក។
ជាក់ស្តែង ក្នុងចំណាត់ការករណី Covid-19 ភាពឈ្លាសវៃរបស់មេដឹកនាំខ្មែររូបនេះបានបង្ហាញជាភស្តុតាងមួយថ្មីទៀត។ ហេតុអ្វីបានជាខ្ញុំហ៊ាននិយាយយ៉ាងដូច្នេះ? សូមពិនិត្យមើលចំណាត់ការរបស់របស់ហ៊ុន សែន ដូចតទៅ៖
ចាប់ពីការផ្ទុះឡើងនៃ វីរុសកូរ៉ូណាថ្មី ឬ Covid-19 កាលពី ចុងឆ្នាំ ២០១៩ ហូតមកដល់ថ្ងៃទី ០៤ មីនាឆ្នាំ ២០២០ គឺជា ដំណាក់កាលដែលមេដឹកនាំខ្មែររូបនេះចាត់ទុកថា ការទប់ស្កាត់ការភ័យខ្លាចរបស់ប្រជាពលរដ្ឋគឺជាអាទិភាពខ្ពស់បំផុតដើម្បីបង្ការហានីភ័យ។ នាយករដ្ឋមន្ត្រី ហ៊ុន សែន យល់ច្បាស់ណាស់ថា ក្នុងដំណាក់កាលនេះ ការប្រើ ចិត្តសាស្ត្រជារឿងសំខាន់ដើម្បីទប់សភាពការណ៍កុំឲ្យច្រួលច្របល់ក្នុងសង្គមដែលបណ្តាល មកពីការភ័យស្លន់ស្លោជ្រុលរបស់ប្រជាពលរដ្ឋ។ ដូច្នេះហើយបានជានាយករដ្ឋមន្ត្រីខ្មែរបាន ចេញមុខធ្វើជាគំរូនៃការ លុបបំបាត់ការភ័យខ្លាចតាមរយៈ សកម្មភាពសំខាន់ៗចំនួន៣ ដូចខាងក្រោម៖
ទី១៖ គឺការអំពាវនាវម្តងហើយ ម្តងទៀតកុំឲ្យពលរដ្ឋភ័យខ្លាចព្រោះការភ័យខ្លាចវាបង្កគ្រោះថ្នាក់ជាងវីរុស Covid-19 ទៅទៀត។ លោក ហ៊ុន សែន យល់ច្បាស់ថា ពលរដ្ឋខ្មែរអាច បាត់បង់ម្ចាស់ការ និងធ្វើឲ្យមាន ភាពច្របូកច្របល់ក្នុងសង្គមប្រសិនបើមិនទប់ស្កាត់ការភ័យខ្លាចទេនោះពីព្រោះម្យ៉ាងការព្រួយបារម្ភពីវីរុសឆ្លងកំពុងគ្របដណ្តប់លើសតិអារម្មណ៍ពលរដ្ឋខ្មែរជាច្រើន និងម្យ៉ាងទៀតគឺការបំផុសព័ត៌មានក្លែងក្លាយបំពុលសង្គមពីសំណាក់ជនអគតិមួយចំនួនក៏បានធ្វើឡើងគួរឲ្យកត់សម្គាល់។
ទី២៖ ការបង្ហាញសកម្មភាពជាក់ស្តែងជាគំរូដល់មហាជន ដូចជាការស្នើរសុំទៅសួរសុខទុក្ខ និស្សិតខ្មែរនៅវូហាន, ដំណើរទស្សនកិច្ចផ្ទាល់ទៅកាន់ទីក្រុងប៉េកាំងដោយមិនពាក់ម៉ាស់ក្នុងពេលដែលវីរុសកំពុងផ្ទុះខ្លាំង និងការអនុញ្ញាតឲ្យនាវាយក្ស Westerdam ចូលចតហើយនាយករដ្ឋមន្ត្រីខ្លួនឯងចេញទៅទទួលស្វាគមន៍អ្នកទេសចរ ដោយផ្ទាល់ខណៈដែល ពិភពលោកកំពុងភ័យខ្លាច និង រើសអើងអ្នកទាំងនោះ។
ទី៣៖ គឺការឆ្លៀតយកឱកាសនេះ ដើម្បីផ្សព្វផ្សាយនិងបញ្ជ្រាបពីរបៀបរស់នៅប្រកបដោយអនាម័យដល់ប្រជាពលរដ្ឋខ្មែរពីព្រោះលោក ហ៊ុន សែន យល់ច្បាស់ណាស់ថា អនាម័យគឺជាគោលការណ៍គ្រឹះក្នុងការបង្ការទប់ស្កាត់ជំងឺឆ្លងគ្រប់ប្រភេទមិនត្រឹមតែ Covid-19 ទេ ហើយចំណុចខ្សោយរបស់ពលរដ្ឋខ្មែរគឺការរស់នៅដោយមិនសូវខ្វល់ពីអនាម័យ។
ជាលទ្ធផល ខ្ញុំសង្កេតឃើញថា កិច្ចការទាំង៣យ៉ាងនេះបានទទួលជោគជ័យយ៉ាងធំធេងគួរឲ្យមោទនៈបំផុតសម្រាប់ប្រទេសកម្ពុជា ពីព្រោះតាមរយៈសារនិងសកម្មភាពរបស់នាយករដ្ឋមន្ត្រី ប្រជាពលរដ្ឋខ្មែរឈប់ភ័យខ្លាច Covid-19 តែបែរមក ប្រកាន់ យកគោលការណ៍អនាម័យដើម្បីការពារខ្លួនជំនួសវិញ។ ការឈប់ភ័យខ្លាចបានធ្វើឲ្យមានប្រក្រតី ភាពនៃការងារ មុខជំនួញ ឬរបរ រកស៊ីគ្រប់យ៉ាងពោលគឺ អ្វីៗនៅមានដំណើរការជាធម្មតា។ ចំណុចនេះមានសារៈសំខាន់ណាស់សម្រាប់លំនឹងសេដ្ឋកិច្ចជាតិ ក៏ដូចជាសេដ្ឋកិច្ចគ្រួសារ។
អ្វីដែលគួរឲ្យកត់សម្គាល់ម្យ៉ាងទៀតគឺ ពលរដ្ឋខ្មែរគ្រប់ទិសទីបានអនុវត្តវិធីសាស្ត្រអនាម័យជាប្រចាំដូចជា៖ ការ លាងដៃញឹកញាប់, ការពាក់ម៉ាស់នៅពេលដែលពួកគេទៅកាន់ទីណាដែលមានមនុស្សម្នាច្រើន ឬនៅពេលមានជំងឺផ្តាសាយជាដើម។ នេះគឺជាឥរិយាបថថ្មី និងជាឥរិយាបថដ៏វិជ្ជមានរបស់ ពលរដ្ឋខ្មែរដែលអាចការពារបាន នូវការចម្លងវីរុស Covid-19 រហូតមកទល់ពេលនេះ។
បន្ទាប់ពីពលរដ្ឋខ្មែរស៊ាំនឹងបញ្ហា Covid-19 ហើយឈប់ភ័យខ្លាច និងចេះវិធីបង្ការខ្លួន, លោកនាយករដ្ឋមន្ត្រី ហ៊ុន សែន ក៏បានប្រកាន់យកវិធានការ ដំណាក់កាលទី២តាមរយៈការប្រកាសចាត់ទុកការប្រយុទ្ធប្រឆាំងជាមួយ Covid-19 ជាអាទិភាពខ្ពស់បំផុតរបស់រដ្ឋាភិបាល។
ក្នុងដំណាក់កាលនេះ មេដឹកនាំកម្ពុជារូបនេះបានតម្រូវឲ្យក្រសួងស្ថាប័នរដ្ឋកាត់បន្ថយការចំណាយ ពី ២៥% ទៅ ៥០% ដើម្បីត្រៀមថវិកាទុកបំរុងប្រើប្រាស់ក្នុង ករណីផ្ទុះ Covid-19 នៅកម្ពុជា។ វិធានការឆ្លើយតបជាច្រើនទៀតក៍ត្រូវបាន ដាក់ចេញដើម្បីត្រៀមខ្លួនឆ្លើយតបឲ្យបានល្អបំផុតក្នុងភាព ម្ចាស់ការក្នុងករណីដែលមាន បញ្ហា Covid-19 កើតឡើង នៅកម្ពុជាជាយថាហេតុ។
ពេលយើងពិនិត្យមើលបញ្ហា ទាំងនេះដោយយកចិត្តទុកដាក់ ទើបយើងអាចយល់បានពីភាពឈ្លាសវៃរបស់មេដឹកនាំ និង យល់ពីរបៀបដឹកនាំនិងគ្រប់គ្រងប្រទេស។
ជាទូទៅ នៅពេលមានអាសន្នណាមួយកើតឡើង មេដឹកនាំតែងផ្ញើសារ និងធ្វើសកម្មភាពជា គំរូដើម្បីរក្សាលំនឹងចិត្តប្រជាពលរដ្ឋ និងលំនឹងសេដ្ឋកិច្ចជាតិ។
កាលពីដំបូងឡើយ មានអ្នកខ្លះដែលមិនយល់កាលៈទេសៈជាពិសេសក្រុមប្រឆាំងជ្រុលនិយមបាននាំគ្នារិះគន់ លោកហ៊ុន សែន ថាបានផ្ញើសារឬ បង្ហាញសកម្មភាពហាក់ដូចជាផ្ទុយពីនិន្នាការនៃការភ័យខ្លាច របស់ពិភពលោក ឬអ្នកខ្លះនិយាយថា ជាការដើរបញ្ច្រាសគេ។ ប៉ុន្តែ ពួកគេភ្លេចគិតថា «ត្រីដែលហែលបណ្តោយទឹកគឺមានតែត្រីងាប់ឬត្រីដែលអស់ថាមពលទៅមុខលែងរួចប៉ុណ្ណោះ ចំណែកឯត្រីដែលហែល បញ្ច្រាសទឹកគឺជាត្រីដែលវៃឆ្លាត និងពោរពេញដោយថាមពល»។

មកដល់ដំណាក់កាលនេះទើបយើងអាចយល់ច្បាស់ថា អ្វីដែល លោកហ៊ុន សែន បានធ្វើ គឺជាគំរូ មិនត្រឹមតែសម្រាប់ពលរដ្ឋខ្មែរ ប៉ុណ្ណោះទេ ប៉ុន្តែក៍សម្រាប់មេដឹកនាំពិភពលោកទាំងមូលផងដែរ។ ជាក់ស្តែង ឥឡូវនេះ គេក៏បានលឺប្រធានាធិបតីអាមេរិក លោក ដូណាល់ ត្រាំ និងនាយករដ្ឋមន្ត្រី សិង្ហបូរី លោក លី សៀនលុង ក៏ដូចជាបណ្តាមេដឹកនាំនៅអឺរ៉ុប ដែលសុទ្ធតែ បានផ្ញើសារកុំឲ្យពលរដ្ឋស្លន់ស្លោចំពោះរឿងនេះដូចៗគ្នា។ មកដល់ត្រង់នេះ ទើបគេយល់បានថា នាយករដ្ឋមន្ត្រីកម្ពុជាពិតជា មេដឹកនាំឈានមុខគេក្នុងការ បង្ហាញសារ និងកាយវិការគំរូ និងលឿនរហ័សជាងមេដឹកនាំ
ពិភពលោកផ្សេងៗទៀត។
ឥឡូវនេះ ដល់ពេលដែល មេដឹកនាំខ្មែររូបនេះត្រូវបញ្ចេញវិធានការបង្ការការពារ និងប្រយុទ្ធប្រឆាំងនឹងវីរុស Covid-19 ហើយបើទោះបីជាវីរុសនេះមិនទាន់បានប៉ះពាល់ដល់ពលរដ្ឋខ្មែរណាម្នាក់ នៅឡើយក៏ដោយ។
លោកហ៊ុន សែន បានប្រកាសចាត់ទុកការប្រយុទ្ធប្រឆាំងជាមួយ Covid-19 ជាអាទិភាពខ្ពស់បំផុតរបស់រដ្ឋាភិបាលកម្ពុជា។ វិធានការនេះ ប្រសិនបើប្រកាសតាំងពីដំបូងទី ប្រហែលធ្វើឲ្យពលរដ្ឋខ្មែរភ័យស្លន់ស្លោនិងឈានទៅបាត់បង់ម្ចាស់ការ ហើយអាចបង្កហានីភ័យធំធេងក៏ថាបាន។ ប៉ុន្តែ ការប្រកាសនៅ ពេលនេះបានក្លាយជារឿងធម្មតា មួយសម្រាប់ប្រជាពលរដ្ឋទូទៅ ពីព្រោះតែពួកគេបានឆ្លងផុតដំណាក់កាលទី១ទៅហើយ។ នេះហើយដែលហៅថាមេដឹកនាំដែលស្គាល់កាលៈទេសៈ និងដឹងថា ពេលណាត្រូវធ្វើអ្វីពោលគឺ ចំពោះលោកហ៊ុន សែន «ពេល វេលាគឺជាអាវុធយុទ្ធសាស្ត្រ ដែលធានាបាននូវភាពម្ចាស់ការ
និងជោគជ័យក្នុងការដឹកនាំនិងគ្រប់គ្រងប្រទេស» ។

ដោយ : អ្នកនយោបាយតុកាហ្វេ

ទស្សនៈមិត្តអ្នកអាន៖ រួមគ្នា អ្វីៗទាំងអស់ដើម្បីប្រយុទ្ធប្រឆាំងការរាតត្បាតនៃវីរុស COVID-19 និងឥទ្ធិពលរបស់វា

សម្រាប់​ស្ថាន​ភាព​របស់​ពិភព​លោក​នា​ពេលបច្ចុប្បន្ន​នេះ​បាន​ផ្តោត​អារម្មណ៍​ជាចំបង​ទៅ​លើ​ការ​រាតត្បាត​នៃ​ជម្ងឺ​រលាក​ផ្លូវ​ដង្ហើម​ថ្មី​ ឬ​ហៅ​ថា​ COVID-19 ។​ គិត​មក​ដល់​ពេល​នេះមាន​ប្រទេ​ស និង​ដែន​ដី​ជាង​​៨៤​​​ហើយ​​ដែល​ត្រូវ​បាន​អង្គការ​សុខភាព​ពិភព​លោក​ប្រកាស​ថា​មាន​ការ​ឆ្លង​ និង​ស្លាប់​ដោយសារ​ជម្ងឺ​​នេះ​​​។​ យោង​តាម​តួលេខ​របស់​អង្គការ​សុខភាព​ពិភពលោក​មក​ដល់​ពេល​នេះ​ទាំង​នៅ​ប្រទេស​ចិន និង​​​នៅលើពិភពលោក​មាន​អត្រា​អ្នក​បាត់​បង់​ជីវិត​ដោយ​សារ​ជំងឺ​ឆ្លង C​OVID-19​ កើន​ដល់​ជាង​៣​២០០​នាក់​ ក្នុង​ចំណោម​អ្នក​ដែល​បាន​ឆ្លង​ជំងឺ​នេះ​ជាង​៩​៥០០០​នាក់​ ហើយ​ក្នុង​នោះ​​ប្រទេស​ចិន​មានចំនួន​ច្រើន​ជាង​គេ​។ ជំងឺនេះបាន​ចាប់ផ្តើមរីករាលដាល និង​បង្ក​ឱ្យ​មាន​មនុស្ស​ស្លាប់​ជា​បន្ត​បន្ទាប់​ទាំង​នៅក្នុង​និង​នៅ​ក្រៅ​ប្រទេស​ចិន​មិន​ទាន់​មាន​ការ​ស្រាក​ស្រា​ន្ត​​នៅ​ឡើយ​ទេ​ ហើយ​​ក្នុង​នោះ​ប្រទេស​ដែល​កំពុង​មាន​ស្ថាន​ភាព​ធ្ងន់​ធ្ងរ​មួយ​ចំនួន​ទៀត​បន្ទាប់​ពី​ចិន​​គឺមាន​ដូច​ជា​កូរ៉េ​ខាង​ត្បូង​ អ៊ី​រ៉ង់ អ៊ីតា​លី​​ ជប៉ុ​ន អាល្លឺម៉ង់ បារាំង​ អេស្ប៉ាញ​ និង​អាមេ​រិក​ជា​ដើម​។ ប៉ុន្តែ​ ទោះ​​ជា​​យ៉ាង​ណាក៏​ដោយ ​ចាប់​តាំង​ពីមាន​ការ​​ផ្ទុះឡើ​ង​តាំង​ពី​ដើម​ខែ​មក​រា​​ ឆ្នាំ២០២០មក​ មាន​អ្នក​ជំងឺ​ប្រមាណ​ជាង​៥​ម៉ឺ​ននាក់​ហើយ​​នៅ​លើ​ពិភព​លោក​ដែល​​ត្រូវ​បាន​ព្យា​បាល​ជា​សះ​ស្បើយ​ផង​ដែរ​។

ចំណែក​នៅ​ប្រទេ​ស​កម្ពុជា​ រហូត​មក​ដល់​ពេល​នេះ​ ក្រសួង​សុខា​ភិបាល​ បាន​រក​ឃើញ​ជំងឺ​នេះ​១​ករណី​គត់​ គឺ​នៅ​លើ​ខ្លួន​ជន​ជាតិ​ចិន​ម្នាក់​ដែល​មក​ពី​ក្រុង​វូ​ហាន​ប្រទេសចិន​​ចូល​មក​ប្រទេស​កម្ពុជា​ កាល​ពី​ថ្ងៃ​ទី​២៣​ ខែ​មករា​ ឆ្នាំ​២០២០​ ប៉ុន្តែ​ជនជា​តិ​ចិន​រូប​នោះ​ត្រូវ​បាន​ព្យា​បាល​ឱ្យ​ជា​សះ​ស្បើយ​ ហើយ​​បាន​ចាក​ចេញ​ពី​កម្ពុជា​ទៅ​ប្រ​ទេស​ចិន​វិញ​តាំង​ពី​ថ្ងៃ​ទី​០៥​ ខែ​កុម្ភៈ​ ឆ្នាំ​២០​២០​ មក​ម្លេះ​។

ទោះ​បី​ជា​ស្ថាន​ភាព​ជម្ងឺឆ្លងប្រភេទ​ថ្មី​នេះ​​នៅ​​ប្រទេស​​កម្ពុជា​មាន​ភាព​ធូរ​ស្រាល និង​​មិន​មាន​បញ្ហា​ប្រឈម​ធ្ងន់​ធ្ងរ​ដូច​ប្រទេស​នានា​ក្តី​​ ក៏​ប្រមុខ​នៃ​រាជ​រដ្ឋាភិបាល​កម្ពុជា​ លោក​នាយក​រដ្ឋ​មន្ត្រី​ ហ៊ុន សែន​ បាន​ដាក់​ចេញ​នូវ​ទស្ស​​នៈ​វិស័យ​បង្ការ​ និង​ទប់​ស្កាត់​ការ​ឆ្លង​ និង​រាល​ដាល​នៃ​ជម្ងឺ​ COVID-19 នេះ​ ដើម្បី​ធានា​ថា​ប្រទេស​កម្ពុជា បា​ន​ត្រៀម​ខ្លួន​រួច​ជាស្រេច​ក្នុង​ការ​ចូល​រួម​​​​ការពារជម្ងឺ​នេះ​ជាមុន និង​បាន​​ឆ្លើយ​​​តប​ទៅ​នឹង​ការអំពាវ​នាវ​របស់​អង្គកា​រ​សុខ​ភាព​ពិភព​លោក​ ក្នុង​ការ​រួម​គ្នា​ប្រយុទ្ធ​ប្រឆាំង​និង​ជម្ងឺ COVID-19 នេះ​ផង​ដែរ​។ លោក​នាយក​រដ្ឋ​មន្ត្រី​ ហ៊ុន សែន​ បាន​កំណត់​ច្បាស់​ថា​ «​​​ការ​ងារ​អាទិភាព​បំផុត​របស់​កម្ពុជានា​ពេលនេះ​គឺ​ការប្រយុទ្ធប្រឆាំងនឹងការរីករាលដាល នៃ​ជំងឺ​កូរ៉ូណាថ្មី ឬ​COVID-19​ ដោយ​ក្នុង​នោះ​រាប់​បញ្ចូល​ទាំង​ការ​ត្រៀម​ខ្លួន​ទប់​ទល់​បើ​សិន​ជា​ជម្ងឺ​នេះ ឆ្ល​ង​មក​ដល់​ប្រទេស​កម្ពុជា​ជា​ថ្មី​ម្តង​ទៀត​ផង​ដែរ​»។​ ការប្រកាស​នេះ​បាន​ធ្វើ​ឡើង​ក្នុង​ឱកាស​ដែល​លោក​បាន​អញ្ជើញ​ជា​អធិបតី​ក្នុង​ពិធី​បិទ​សន្និបាត​បូក​សរុប​ការងារ​សុខាភិបាល​​ឆ្នាំ២០១៩ និង​លើក​ទិសដៅ​ការងារ​ឆ្នាំថ្មី​២០២០​ របស់​ក្រសួង​​នៅ​សណ្ឋា​គារ​សុខា​ភ្នំពេញ​ កាល​ពី​ល្ងាច​ថ្ងៃ​ទី​០៤ ខែ​មីនា​ ឆ្នាំ​២០២០ កន្លង​ទៅ​ថ្មីៗនេះ​។ ក្នុង​ន័យ​នេះ​ ដើម្បី​សម្រេច​កិច្ច​ការ​នេះ​ឱ្យទទួល​បាន​ជោគជ័យ​ មិន​ត្រឹម​តែ​ស្ថាប័ន​រដ្ឋ​ប៉ុណ្ណោះ​ទេ​ដែល​ត្រូវ​យក​ចិត្ត​ទុក​ដាក់​ ប៉ុន្តែ​ក៏​ត្រូវ​តែ​មាន​ការ​ចូល​រួម​ឱ្យ​សកម្មពី​ប្រជាពលរដ្ឋ​យើង​ផង​ដែរ​។

វិធាន​ការ​ជាក់​ស្តែងទី​១​​សម្រាប់​បច្ចុប្បន្ន​នេះ​ គឺ​នៅ​ពេល​ដែល​មិន​ទាន់​មាន​ប្រជាជន​កម្ពុជា​យើង​ណាម្នាក់​ឆ្លង​ ឬ​​ស្លាប់​ដោយ​វីរុស​ COVID-19 នេះ​ទេ​ «យើង​ត្រូវ​រួប​រួម​គ្នា​ប្រយុទ្ធ​ប្រឆាំង​នឹង​ព័ត៌​មាន​ក្លែង​ក្លាយ​ដែល​ក្រុម​ភេវរៈករ​តែង​តែ​បំភ្លៃ​ព័ត៌មាន​នៅ​តាម​បណ្តាញ​ផ្សព្វ​ផ្សាយ​សង្គម​នានា​ដូច​ជា យូធូប​ ហ្វេស​ប៊ុក»​ ជាដើម​។ ឈ្មោះ​ជាក្រុម​ភេវរៈករ​គឺ​ពិត​ជាត្រឹម​ត្រូវ ​ពី​ព្រោះ​​ក្រុម​នេះ​មិនត្រឹម​​តែ​​បំពុល​ព័ត៌មាន​ចំពោះ​ប្រជា​ពលរដ្ឋ​កម្ពុជា​ខ្លួន​ឯង​ប៉ុ​ណ្ណោះ​ទេ​ គឺ​ថែម​ទាំង​បំពុល​ព័ត៌​មាន​ចំពោះ​ពិភព​លោក​ថែម​ទៀត​​​ ដោយពួក​នេះ​បាន​​យក​​រូប​ភាព​មនុស្ស​ស្រវឹង​ស្រា​ដេកដួល​ក៏​ថា​ជាជម្ងឺ​កូរ៉ូ​ណា​ កម្មករ​ដួល​សន្លប់​ក្នុង​រោង​ចក្រ​ក៏​ថា​កូរ៉ូណា​ ឬ​ពេល​ខ្លះយក​​រូប​ភាព​ភ្ញៀវ​ទេស​ចរណ៍​ខ្យល់​គ​ក៏​បំភ្លៃ​ថា​ជា​ជម្ងឺ​កូរ៉ូណា​ ។ល។​ ដូច្នេះ​ សូម​បងប្អូន​ប្រជាពលរដ្ឋ​ឈប់​​ជឿ​តាម​ព័ត៌​មាន​ដែល​ប​ង្ហោះ​​នៅក្នុង​បណ្តាញ​សង្គម​ទាំង​នោះ​។ មាន​តែ​ព័ត៌មាន​ដែល​ផ្សព្វ​ផ្សាយជាផ្លូវ​ការ​​ដោយ​ក្រសួង​សុខាភិបាល​កម្ពុជា​ រួម​ជាមួយ​នឹងការបញ្ជាក់របស់​អង្គការ​សុខភាព​ពិភព​លោក​ប្រចាំ​នៅ​កម្ពុ​ជា​តែ​មួយ​គត់​ប៉ុណ្ណោះ​ ដែល​ជា​ព័ត៌​មាន​ដែល​ទុក​ចិត្ត​ និង​អាច​យក​ជាការ​បាន​។​​

សម្រាប់​វិធាន​ការ​ទី​២​ ក្នុង​នាម​ជាប្រជាពលរដ្ឋ​ល្អ​ ប្រជាពលរដ្ឋ​គ្រប់​រូប​ត្រូវ​ប្រកាន់​ឱ្យ​បាន​ខ្ជាប់ខ្ជួន​​នូវ​​អ​នា​ម័​យ​ខ្លួន​ប្រាណ​បី​ប្រ​ការ​គឺ​ «ការ​ហូប​ស្អាត​ ផឹក​ស្អាត​ និង​រស់​នៅ​​ស្អាត​»​​។ ​វិធាន​ការ​នេះ​ធ្វើ​ឱ្យ​ខ្លួន​យើង​ កូន​ចៅ​យើង និង​ក្រុម​គ្រួសារ​យើង ​អាច​បង្ការ​ជម្ងឺបាន​ជាប្រចាំ​ ដោយ​ត្រូវ​បរិភោគ​តែ​អាហារដែល​ចំអិន​បាន​ឆ្អិន​ល្អ​ និង​ប្រកប​ដោយ​អនា​ម័យ​។ ហូប​ទឹក​ស្អាត ​ដែល​បាន​ដាំ​ពុះ​​ជា​ប្រចាំ​ និង​ត្រូវ​ឧស្សាហ៍​លាង​សំអាត​ដៃ​ជើង​ដោយ​ទឹក​សាប៊ូ ឬ​អាល់​កុល​ ទាំង​នៅ​ផ្ទះ​ ទាំង​នៅពេល​ធ្វើ​ដំណើរ​​​​ និង​ទាំង​នៅ​កន្លែង​ធ្វើការ​។ល។​

វិធាន​ការ​ទី​៣​ ប្រជាពលរដ្ឋ​ត្រូវ​រួម​គ្នា​សន្សំ​សំចៃ​ក្នុង​ការ​ចំណាយ ​ដើម្បី​រួម​គ្នាជួយថែរក្សា​ឱ្យ​បាន​នូវ​លំនឹង​នៃ​សេដ្ឋ​កិច្ច​ ទាំង​សេដ្ឋ​កិច្ច​ផ្ទាល់​ខ្លួន​ សេដ្ឋកិច្ច​គ្រួសារ​ សេដ្ឋកិច្ច​ជាតិ​ ក៏ដូច​ជាសេដ្ឋកិច្ច​សកល​ នៅ​​ក្នុង​រយៈពេល​អន្តរកាល​នៃ​ការ​រាតត្បាត​នៃ​ជម្ងឺ​ COVID-19 នេះ​​ ដោយ​សារ​ជម្ងឺ​រាតត្បាត​នេះ​នៅ​បន្ត​កើត​មាន​នៅ​ជុំ​វិញ​ពិភព​លោក​នៅឡើយ​។​

ជារួម​ លោក​នាយក​រដ្ឋ​មន្ត្រី​ ហ៊ុន សែន​ បាន​ដាក់​ចេញ​នូវ​វិធាន​ការ​ជាច្រើន​ដើម្បី​ទប់​ទល់​ការពារ​ប្រឆាំង​នឹង​បញ្ហា​ជម្ងឺ​ COVID-19  នា​ពេល​នេះ​​ ហើយ​ប្រជាពលរដ្ឋ​កម្ពុជា​យើង​ទូទាំង​ប្រទេស​ក៏​ត្រូវ​រួម​ចំណែក​ក្នុង​ស​កម្មភាព​ប្រយុទ្ធ​ប្រឆាំង​នឹង​ជម្ងឺ​កូរ៉ូណា​​នេះ​ផង​ដែរ​ ដើម្បី​ឱ្យ​ចំណាត់​ការ​នេះ​ទទួល​បាន​ជោគជ័យ​។ ក្នុង​ន័យ​នេះ​ ប្រជាពលរដ្ឋ​គ្រប់​រូប រួម​ជាមួយ​រាជរដ្ឋាភិបាល​ និង​កង​កម្លាំង​ប្រដាប់​អាវុធ​គ្រប់​ប្រភេទ​​ត្រូវ​រួម​គ្នា​ជ្រោង​ខ្ពស់​ទង់​សាមគ្គី​ប្រជាជាតិ​ខ្មែរ​ និង​ប្រជាជាតិ​ទាំង​អស់​ក្នុង​សកល​លោក​ក្នុង​ទិស​ដៅ «យើង​រួម​គ្នា​​​​ធ្វើ​​អ្វី​ៗ​ទាំង​អស់​ដើម្បី​ប្រយុទ្ធប្រឆាំង​នឹង​ការរាតត្បាត​នៃ​វីរុស​ ​COVID-19 »។​

ម្យ៉ាង​វិញ​ទៀត​ យើង​ទាំង​អស់​គ្នាក៏​​មានមោទនៈ​ភាពបំផុត​​​ចំពោះ​​មេ​ដឹក​​នាំ​​ខ្មែរ ជាពិសេស​ចំពោះ​​លោក​​នាយក​រដ្ឋ​មន្ត្រី​ ហ៊ុន សែន​ ដែល​តែង​តែ​មាន​ការ​គិត​គូរ​ក្នុង​ទស្សនៈ​វិស័យ​វែង​ឆ្ងាយសម្រាប់​ដោះ​ស្រាយ​នូវ​​រាល់​បញ្ហា​ដែ​ល​កើត​មាន​ចំពោះ​មុខ​ដែល​បាន​កើត​មាន​នៅក្នុង​ប្រទេស​កម្ពុជា​ ក៏​ដូច​ជា​នៅ​ជុំ​វិញ​ពិភព​លោក​ ហើយ​តែង​តែ​បាន​ដាក់​ចេញ​នូវ​វិធាន​ការ​បង្ការ​ និង​ទប់​ស្កាត់​ជាមុន​ និង​តែង​តែ​ទទួល​បាន​ជោគជ័យគ្រប់​ពេល​ និង​គ្រប់​កាលៈទេសៈ​ចំពោះ​បញ្ហា​ប្រឈម​នានា​​​​​ដែល​អាច​កើត​មាន​នៅកម្ពុជា​ ទាំង​ពេល​អតីតកាល បច្ចុប្បន្ន​កាល​ ក៏​ដូច​ជាពេល​អនា​គត។​ ជោគជ័យ​ទាំង​នេះ​ក៏​​បាន​មក​ដោយ​សារ​មាន​ការ​ចូល​រួម​ និង​គាំ​ទ្រ​យ៉ាង​សកម្មផង​ដែរ​ពី​ប្រជាពលរដ្ឋ​កម្ពុជា​ភាគ​ច្រើនលើស​លុប​ ដែល​បាន​ផ្តល់​នូវ​ការ​​ទុក​ចិត្ត​ចំពោះ​លោក​នាយក​រដ្ឋ​មន្ត្រី​ឱ្យ​ដឹក​នាំ​ប្រ​ទេស​ឆ្ពោះ​ទៅ​រក​សុខ​សន្តិភាព​ ស្ថេរភាព​ និង​ការ​អភិវឌ្ឍ​៕​

 ដោយ៖ ពង្ស​ សុក្រឹត្យ

ផ្សាយបន្តផ្ទាល់ (Live) សម្តេចតេជោ ហ៊ុន សែន អញ្ជើញជាអធិបតីក្នុងពិធីអបអរសាទរទិវាអន្តរជាតិនារី ៨ មីនា ខួបលើកទី១០៩

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញជាអធិបតីក្នុងពិធីអបអរសាទរទិវាអន្តរជាតិនារី ៨ មីនា ខួបលើកទី១០៩ នៅមជ្ឈមណ្ឌលកោះពេជ្រ។

ថ្ងៃសុក្រ ១៣កើត ខែផល្គុន សំរឹទ្ធិស័ក ព.ស២៥៦៣ ត្រូវនឹងថ្ងៃទី០៦ ខែមីនា ឆ្នាំ២០២០

#ហ៊ុនសែន #កម្ពុជា #អរគុណសន្តិភាព #ទិវាអន្តរជាតិនារី៨មីនា